„Овој ден силно е врежан во моите мисли, кога заедно со повеќе од 100 резервисти бевне сведоци на ужасот. Загинатите се големи херои, ја дадоа својата жртва за татковината, што никој од нас не треба да заборави. Нивните имиња ќе бидат врежани во нашата меморија“ – рече денеска Марјан Ристески, кој е еден од преживеаните кај Карпалак.
Тој во својство на заменик министер за економија во името на владата, во Прилеп оддаде почит за десетте загинати резервиусти кои во 2001 година, подмолно, во терористички напад беа убиени во Карпалак – еден од најстрашнит злосторства кон припадници на вооружените сили на Македонија во конфликтот со ОНА.
„И наша должност е да се сеќаваме на нив, на нивната љубов кон татковината и да ја пренесуваме на следните генерации . Вечна им слава! – рече Ристески.
Делегациии од Собранието, од Владата, од Претседателот на РМ, АРМ, Министерството за одбрана, од општина Прилеп, од Здружението Карпалак, од семејствата на загинатите, од политичките партии, од Сојузот на борци, им оддадоа почит на загинатите Сашо Китаноски, Нане Наумоски, Веби Рушидоски, Горан Миноски, Бранко Секулоски, Љубе Грујоски, Ердован Шабаноски, Марко Деспотоски, Пеце Секулоски и Дарко Вељаноски, убиени во заседата на осми август 2001 година, кога беше нападнат конвој на АРМ.