Македонија

СДСМ да се огради од навредите на Фрчкоски кон македонскиот народ, бара ВМРО-ДПМНЕ

Народот не е пијан, ниту мрзлив како што кажува Фрчкоски. Народот е чесен. И народот нема да заборави вакви навреди

2 минути за читање

 

Љубомир Фрчкоски  брутално го навреди македонскиот народ јавно во етер кој кажа “Ако зборуваме за Македонците со три пива пред гранап, Македонци кои ништо не направиле за својата држава”, се вели во реакцијата на ВМРО-ДПМНЕ по гостувањето на професорот, екс амбасадор и екс-министер во три мандати во гостување на Канал 5 телевизија

Од владејачката партија велат дека тоа го зборува човек кој долги години ја обликува СДСМ одвнатре и е идеолог на партијата.

„Фрчкоски ги навреди луѓето што го плаќале неговиот професорски хонорар, неговите службени патувања, неговите кампањи.

Фрчкоски покажа дека и тој, и СДС се отуѓена елита, која не го разбира народот туку се потсмева со него.

Народот не е пијан, ниту мрзлив како што кажува Фрчкоски. Народот е чесен. И народот нема да заборави вакви навреди.

Изјавата на Фрчкоски е јавно сведоштво за тоа каква партија е СДС, што со години се однесуваше како да и припаѓа државата, а не да и служи.

А Филипче ,,како до сега“, повторно молчи. Не се оградува од Фрчкоски“ велат од ВМРО-ДПМНЕ.

Ова не е неутралност. Ова се јасни ставови на СДС, а тоа што Филипче не се оградува од ваква понижувачка изјава  значи само дека се согласува и одобрува.

Народот гледа, народот слуша, и народот знае. СДС не мора ништо да каже, кажа се со своето молчење.

СДС е синоним за криминал, неспособност и предавства.

Во СДС ништо ново. И по Заев, Заев“, се вели во соопштението од владејачката партија..

Поврзани теми:

актуелно|ВМРО|СДСМ; Фрчкоски|навреди|пиво гајба

Повеќе на оваа тема:

Најнови вести од: Македонија

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.

Монах Амвросиј: Свети Наум ја градеше душата на древниот македонски народ, кој стои со својот идентитет во темелите на европската цивилизација! (2)

„Во тишината на бреговите на Охридското Езеро манастирот ‘Свети Наум’ со векови ја чува духовната светлина на македонскиот народ.  За да ја разбереме духовната мисија на манастирот ‘Свети Наум’ денес мораме да погледнеме во длабочината на нашиот историски и духовен континуитет. Кога Свети Наум го основал овој манастир во 905 година на брегот на Охридското Езеро, тој не градел само ѕидови, туку ја градел душата на еден народ. Ова свето место не е само нем споменик од минатото, туку жива лулка, во која пулсираат македонскиот идентитет и нашата национална меморија. Манастирот ‘Свети Наум’ е жива историска енциклопедија, во која е впишан целиот македонски национален и духовен код. Овде не се вкрстувале само патиштата на обичните луѓе, туку овде се кршеле копјата на најголемите империи, а манастирот секогаш останувал исправен како светилник на нашата самобитност. Затоа, манастирот ‘Свети Наум’ не е само историја. Тој е жив доказ дека еден народ, што го изградил својот идентитет врз писменост, вера и манастирска непокорност, никогаш не може да биде избришан од мапата на светот!“ – нагласува во интервју за „Нова Македонија“ монахот Амвросиј, жител на ова свето место и моментно студент на Московската духовна академија.

Мицкоски: Очекувам во јунскиот извештај на ЕУ да бидеме најдобри исто како во декемврискиот, има уште време за разговори со опозицијата за изборниот закон

Премиерот Христијан Мицкоски денеска повтори дека очекува во јунскиот извештај на ЕУ да бидеме најдобри исто како и во декемврискиот. Тој уште еднаш повика на разговори со опозицијата за Изборниот законик, за што кажа дека се уште има шанса да биде донесен и да биде исполнет и десетиот чекор од зададениот грејс период.

Денес се одбележуваат великото дело и личноста на Свети Наум Охридски, еден од основоположниците на македонската и сесловенската писменост (1)

Денес Македонската православна црква – Охридска Архиепископија и сиот македонски народ, не само оние, кои се православни христијански верници, го одбележуваат црковно-народниот празник, посветен на личноста и великото дело на Свети Наум Охридски – Чудотворец, еден од основоположниците на македонската и сесловенската писменост и просвета, заедно со светите браќа Кирил и Методиј, како и со Св. Климент. Свети Наум Охридски останува запаметен како исцелител и просветител на македонскиот народ, но како и заштитник на манастирот „Св. Наум“ во Охрид. Охридската книжевна школа, како најстара средновековна македонска книжевна школа, е формирана во 886 година од Свети Климент Охридски. Во 893 година на Климент му се придружува Свети Наум Охридски, откако Климент е назначен како епископ. Во рамките на Охридската книжевна школа биле обучени повеќе од 3.500 ученици и таа одиграла клучна улога во описменувањето, како и во ширењето на македонската и словенската писменост и култура.
Сите вести од Македонија

Најнови вести

To top