Македонија

СДСМ ги поддржа барањата на телевизиите – Ќе запре ли македонскиот коментар на Арена М

Дали во СДСМ се свесни дека ако помине барањето ќе се елиминира македонскиот јазик популарната програма и македонските граѓани пак ќе слушаат коментари на српски јазик

СДСМ во целост ги поддржува барањата на националните телевизии и јавниот сервис кои предупредија за случувањата со законските сомнежи за влегувањето на српската медиумска машинерија и побараа институциите да постапат.

,,Мора да се истражи во целост и да се утврди одговорност”, објавува СДСМ од каде барањето на националните телевизии да се испита законската основа за програмата на македонски јазик на спортските канали на Арена М го ставаат во контекст на својата дневна политика.

,,Она што се случува е потврдува на сè она за што СДСМ со месеци ја предупредува македонската јавност”, вели Богданка Кузеска во име на СДСМ иако Арена на македонски јазик почна пред само два месеци.

Предходно десетина години траеше битката за македонски коментар на спортските канали Арена и Спорт Клуб.

,,Мицкоски, по рецептот на Вучиќ, спроведува операцијата за медиумски мрак и во Македонија”, стои во соопштението од СДСМ од каде се свесни дека ако помине барањето на националните телевизии ќе се елиминира македонскиот јазик од оваа популарна програма и македонските граѓани повторно ќе треба да слушаат коментари на српски или хрватски јазик.

,,За ова веќе алармираат и националните телевизии, Македонската медиумска асоцијација кои соопштија дека имаат материјални докази за канали кои подолг период работат без домашна дозвола”, стои во соопштението на СДСМ.

Според СДСМ сега граѓаните сами го плаќаат сопственото медиумско труење иако во случајов се работи за можност за коментар на македонски јазик кој ќе биде укинат ако се спроведе тоа што го вара СДСМ.

,,Ги повикуваме слободните медиуми, невладините организации, интелектуалците, заедно да се спротивставиме.

Ова е прашање што ги надминува партиските поделби.

Ова е прашање за слободата на медиумите и за демократска Македонија.

Македонија не смее да стане медиумска, политичка и економска колонија на туѓи центри на моќ”, стои во соопштението на СДСМ.

Вчера АВМУ им порача на националните телевизии да ги достават сите докази за евентуален криминал со програмите кои се емитуваат на македонски јазил до Јавното обвинителство.

Ако МРТ и националните телевизии имаат докази за криминал да пријават во обвинителството – АВМУ бара да не се лаже јавноста

Најнови вести од: Македонија

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

To top