СДСМ во својата предлог резолуција за Бугарите во уставот тргнува од скандалозните заклучоци кои пред три години го ,,вцрвенија” македонскиот народ.
Филипче и неговата партија во резолуцијата за влез на Бугарите во уставот како основа од која тргнуваат, меѓу другите документи, ги споменуваат заклучоците кои ги донесе Собранието пред три години во кои стоеја само позициите на СДСМ и ДУИ а сите сугестии од другите партии беа априори отфрлени.
Тогаш СДСМ воопшто не сакаа да разговараат за предлозите на ВМРО-ДПМНЕ кои воопшто не беа разгледани а сега СДСМ ставајќи ги заклучоците во делот за јазикот сака во новата позиција да бидат инкорпорирани позициите кои се покажаа како катастрофални за Македонија на патот кон ЕУ.
,,Вклучувајќи ги сите детали дефинирани во Заклучоците на Собранието донесени на 16 јули 2022 година”, стои во текстот на предлог резолуцијата која денеска ја презентираше СДСМ.
Заклучоците за кои сега зборува СДСМ барајќи да се прифатат ,,сите напори кои Собранието досега ги направило како и
иницијативите кои со мнозинство ги поддржало, како што се следните иницијативи”, предизвикаа масовни протести во Македонија кои траеа со недели.
СДСМ сега тврди дека овие заклучоци се прифатени со мнозинство во Собранието но не кажува дека за нив воопшто не беа прашани ВМРО-ДПМНЕ и другите партии.
Последните мерења на јавното расположение покажа дека над 80 проценти од Македонците и речиси 70 проценти од целото население е против барањето на СДСМ и Бугарија за внес на Бугарите во македонскиот устав.
Посебен проблем резолуцијата на СДСМ прави во поглед на поткопувањето на позицијата на влада во обидите да се дојде до достоинствено решение за проблемот што го предизвика СДСМ – повеќе на овој ЛИНК