Унгарскиот 4ИГ или евентуално останатите конкуренти ќе треба да и платат најмалку 8 милиони евра на државата за да го добијат правото да бидат трет голем телекомуникациски оператор во земјата, а разгледувањето на понудите ќе трае во зависност од тоа колку учесници ќе се јават на тендерот на АЕК, пренесе Фактор. Агенцијата за електронски комуникации, откако владата претходно ја прифати нивната одлука, официјално го објави минималниот еднократен надоместок за трите фреквенциски опсези чија почетна вкупна сума ќе биде 8 милиони евра. Идниот оператор оваа сума ќе треба да ја уплати во Буџетот.
Минималниот еднократен надоместок за користење на фреквенциите 700 MHz, 1800 MHz и 3.х GHz останува непроменет по одлуката на директорот на АЕК и ќе изнесува 4,2 милиони, 1,6 милиони и 2,32 милиони евра посебно.
АЕК пред празниците објави намера за спроведување на постапка на јавен тендер со јавно наддавање за издавање на одобренија за користење на радиофреквенции на нов мрежен оператор. Намерата се објавува по барање на новорегистрираната ОНЕ МАКЕДОНИЈА ТЕЛЕКОМУНИКАЦИИ, во сопственост на унгарската 4iG. Ако, освен Унгарците, наддава и друга фирма, цената може да се зголеми.
Од Регулаторот ни одговорија дека наскоро се очекува да биде распишан јавен тендер за јавно наддавање, откако оваа одлука стапи на сила, а процесот ќе трае во зависност од тоа колку заинтересирани страни ќе се јават. Крајниот рок за доставување на понудите е 35 дена од денот на објавата, а јавното отворање на понудите ќе се одржи на 22 август во 10 часот во просториите на АЕК.
- „За да се спроведе Јавниот тендер со јавно наддавање потребно е најнапред Одлуката за минималната висина на еднократниот надоместок да стапи на сила. Потоа Директорот на АЕК носи Одлука за објава на јавен тендер со јавно наддавање која исто така треба да се објави во Слузхбен весник. Од нејзината објава сите заинтересирани страни ќе треба да подигнат Тендерска документација од АЕК во која ќе бидат пропишани условите за учество на јавниот тендер со јавно наддавање и ќе треба да поднесат официјални понуди во рок од 35 дена. Во зависност од тоа колку заинтересирани страни ќе се квалификуваат за јавниот тендер со јавно наддавање процесот продолзхува согласно Законот за електронски комуникации“, одговорија од АЕК.
Операторот што ќе добие лиценца ќе има обврска до крајот на 2026 година барем еден град да биде покриен со 5G сигнал. До крајот на 2028, главните транспортни коридори треба да имаат целосна 5G покриеност, а до 2030 година истото се очекува за сите градови во земјава. До крајот на 2032 година, секој граѓанин треба да има пристап до интернет со минимална брзина од 100 Mbps преку 5G.
Покрај ОНЕ Македонија Телекомуникации ДООЕЛ Скопје, интерес за учество покажаа уште и Битстрим Мобиле ДООЕЛ Скопје и е& ппф Телеком Груп Б.В.