Со спектакуларна прослава на стадионот во Струмица, обележана со патриотска музика и користерње вештачка интелигенција за доловување сцени и славни личности од македонската историја, покрај говори, ВМРО-ДПМНЕ вечерва го одбележа својот 36. роденден.
„Секој член на ВМРО-ДПМНЕ мора да биде свесен за историскиот габарит кој го носи ова име. Семето посеано на 23 октомври 1893 година не било уништено. Вмровската идеологија повторно воскреснала во намачената душа на македонскиот народ. Секогаш кога сакале да ја уништат, ВМРО, како чувар на Македонија и производ на својот народ, се враќала посилна“, се дел од пораките што ги упати партискиот лидер и премиер Христијан Мицкоски.