Лидерот на едно од „крилата“ на Алијанса за Албанците предводено од Зијадин Села го оспори Законот за прекршоци пред Уставниот суд и пред воопшто да почне да функционира системот „Безбеден град“.
„Поднесовме иницијатива до Уставниот суд во врска со уставноста на Законот за прекршоци кој се донесе со цел имплемемтирање на таканаречениот проект „Безбеден град“, вели Села според кој законот кој се однесува на целото население во Македонија никако не било дозволено да помине по скратена постапка.
Спореед Села, законот има многу прашања кои задираат врз рамноправноста на граѓаните – премиерот, претседателот и функционерите треба да ги почитуваат законите. Почнувајќи од премиерот сите треба да го почитуваат Законот за јазиците без оглед кој е нивниот политички став.
„Во Законот треба да пишува дека пораките треба да бидат двојазични. Несериозно е за една држава казна да се испраќа преку порака. Со закон не сме обврзани да носиме телефон да имаме имејл адреса, а законска должност ми е да имам адреса на место на живењење. Во спротивно ако го сменам телефонскиот број или имејл адресата ќе треба тоа да го пријавам во полиција“, вели Села.
Тој додаде дека граѓаните треба да бидат еднакви пред Уставот и дека не може проектот да се имплементира само во три града.