Сојузот на математичари на Македонија објавува за голем успех на националниот тим на Јуниорската балканска математичка олимпијада – ЈБМО 2026.
Сакаме да ве информираме за одличниот успех на Македонија на ЈБМО 2026. Освоени се 3 бронзени медали и 2 пофалници.
· MKД 1 ДАМЈАН ЧАМУШЕВ 16 поени (бронзен медал) 🥉
· MKД 2 ЗОРАН ИЛИЈОСКИ 16 поени (бронзен медал) 🥉
· МКД 3 КАЛИНА ТОРТЕВСКА 12 поени (пофалница) ✨️
· МКД 4 ДАРЈАН МИРЧЕВСКИ 20 поени (бронзен медал) 🥉
· МКД 5 МАРТИН СТОЈАНОВ 11 поени (пофалница) ✨️
· МКД 6 АНДРЕА ЈОВАНОВСКА 4 поени
Водач на тимот беше Петар Филиповски, а заменик водач, Никола Цветаноски.
Сојузот е посебно радосен на фактот, што сите ученици ги посетувале тримесечните онлајн подготовки реализирани од страна на СММ.
Подготовките ги реализирале, м-р Илија Јовчески, Петар Филиповски, Никола Цветаноски и Христина Митреска.
Како дел од македонската репрезентација, Дарјан Мирчевски освои бронзен медал на Јуниорската балканска математичка олимпијада (ЈБМО 2026), која деновиве се одржa во Романија!
Зад овој успех стојат безброј непроспиени ноќи, илјадници решени задачи, огромни одрекувања и една силна, непоколеблива волја.
Конкуренција од светски рамки
Ова натпреварување одамна ги надмина балканските граници. Годинава, покрај официјалните балкански земји, во конкуренција на 22 држави, Дарјан ги одмери силите и со врвни математички нации како Франција, Ирска, Ерменија, Азербејџан, Казахстан, Малезија и многу други. Во ваква силна конкуренција, овој медал тежи како злато!
,,Горди сме на резултатот, но уште погордe сме на човекот во кој Дарјан расте — скромен, упорен и бескрајно посветен. Ова е само почеток на една долга низа големи успеси!
Браво Дарјан! Македонија денес има огромна причина за славење и гордост”, велат неговите блиски.
Тие упатуваат неизмерна благодарност до неговите ментори и поранешни македонски олимпијци од Збир-едукативен центар – Стефан, Филип и Лука, кои се поставија кон него пред се како постари браќа и несебично го споделуваа со него сето нивно знаење и искуство.
Благодарност е упатена и до СММ и водачите на екипата на Македонија на ЈБМО 2026 Петар и Никола како и до управата на ОУ Вера Цириви Трена и сите наставници кои несебично го поддржаа и му овозможија добро да се подготви за олимпијадата.