Постојаниот координатор на Обединетите Нации во Македонија за само 18 месеци станала Македонка, открива Рита Колумбија во подкаст која го води младата и талентирана Анастасија Исјановска.
,,Јас дојдов во Македонија како постојан координатор на ОН во септември 2024 година. Тоа беше пред околу година и половина, но веќе се чувствувам како Македонка бидејќи сум толку вклучена во општеството и во животот на луѓето тука Се трудам да осигурам дека тимот на Обединетите нации во земјата како целина прави видливо и значајно влијание врз животот на секој човек тука, и секако, врз севкупниот одржлив развој на државата”, вели Колумбија во подкастот ,,Клиника за труд”.
Разговорот со Колумбија која е од Казахстан но има државјанство на САД е исполнет со визија и инспирација и во него Исјановска отвора значајни теми поврзани со правата, современите предизвици на трудот и еднаквите можности.
,,Ова не е само уште една епизода — туку простор за идеи, размислување и дијалог за подобро и поправедно општество.
Не ја пропуштајте оваа посебна приказна и важен разговор. Гледајте ја епизодата и бидете дел од промените што ги создаваме заедно”, стои во најавата ма подкастот со Исјановска.