Претседателката на Македонија престојува во работна посета на Република Австрија, по повод учеството на 22. Европски самит во Салцбург.

Предвидено е претседателката да се обрати на сесијата на тема „Дали Европа (сè уште) е глобален играч?“, соопштија денеска од нејзиниот кабинет.

Европскиот самит во Салцбург е годишен собир во организација на Институтот на регионите на Европа. Настанот обединува водечки политичари, дипломати, експерти и бизнис лидери. Главна тема на самитот годинава е „Европа – суверен глобален играч?“, со фокус на безбедноста на континентот, економската конкурентност, демографските промени и проширувањето на ЕУ.

Во пресрет на 22. Европски самит во Салцбург, претседателката Гордана Сиљановска-Давкова вчера се сретна со македонските православни верници, кои неодамна формираа нова црковна општина „Св. Архангел Михаил” во Халејн, Република Австрија.

Да создадеме услови дијаспората да се врати – Сиљановска-Давкова во Салцбург