Претседателката Гордана Силјановска-Давкова, во рамки на посетата на Турција, вчера во Амбасадата на Македонија во Анкара се сретна со претставници на македонската заедница во Турција.
На средбата присуствувале универзитетски професори, лекари, научници и други истакнати професионалци со македонско потекло, кои, и покрај успешните кариери во Турција, останале силно поврзани со своите македонски корени.
Претседателката ја поздрави иницијативата на проф. д-р Мелахат Парс, раководителка на Катедрата по македонски јазик при Универзитетот во Анкара, за нејзино целосно етаблирање и отворање Лекторат по македонски јазик.
„Во земја каде што живее бројна заедница со македонско потекло, лекторатот ќе биде простор за изучување, негување и афирмација на македонскиот јазик“, истакна Силјановска-Давкова.
Таа нагласи дека отворањето лекторат во Турција претставува природен и стратешки чекор за промоција и зачувување на македонскиот јазик.
Претседателката денеска и утре во Анкара ќе учествува на 36. Самит на НАТО. Во македонската делегација, покрај неа, се и министерот за одбрана Владо Мисајловски, министерот за надворешни работи и надворешна трговија Тимчо Муцунски и началникот на Генералштабот на Армијата, генерал-мајор Сашко Лафчиски. Предвидени се и повеќе билатерални средби.