Од фотографии објавени на нејзиниот Фејсбук профил се гледа дека Сиљановска Давкова денеска играла оро на Галичка свадба, што ја прави прв македонски шеф на држава кој што се фатил на оро на оваа традиционална манифестација.
Според видеа пренесувани на социјалните мрежи и од Месната заедница Галичник претседателката за време на свадбената церемонија пред легендарната чешма ,,Упија” се фатила меѓу сватовите и изиграла неколку македонски ора.
Актерот Рубенс Муратовски кој е водител на Галичката свадба фаќањето на орото на претседателката Гордана Сиљановска Давкова го спомена во контекст на замислениот разговор меѓу Ѓорѓија Пулевски и американскиот претседател Абрахам Линколн во кој се зборува за уќуматот односно власта ,,од народот, меѓу народот и за народот”.
На крајот на церемонијата претседателката на младенците Лилјана Михајлоска и Јован Филипоски им подарила ,,Галичка пафта”.
Видео од орото на кое се фатила претседателката