Македонија Бизнис

Славески: Извршната власт знае дека треба да се стремиме кон ниски стапки на инфлација

Како што оцени гувернерот на Народна банка, Трајко Славески на работната средба во Стопанската комора, инфлацијата што ја прикажува статистиката е сосема различна од перцепцијата на граѓаните.

2 минути за читање

Извршната власт има разбирање дека треба да се стремиме кон ниски стапки на инфлација, кон нивото што се постигнува во еврозоната. Имавме средба со премиерот, му кажавме дека може да се најдеме во ситуација нашите цели да се конфликтни зашто секоја влада сака да го забрза растот, но во последните 4 – 5 години голем број политичари во светот ги загубија изборите токму поради незадоволството на граѓаните од високата инфлација, како што беше случајот со САД. Победата на Трамп, во краен случај, ја донесе незадоволството од високите цени и високата инфлација, рече гувернерот на Народна банка, Трајко Славески. Како што оцени Славески на работната средба во Стопанската комора, инфлацијата што ја прикажува статистиката е сосема различна од перцепцијата на граѓаните.

  • За нив инфлацијата е 40 – 50 проценти. Пред 2,5 години миење автомобил беше 250 денари, а сега е 500 денари. Тоа е перцепцијата на граѓаните. Никој не верува дека инфлацијата е 2,5 или 3 отсто. Граѓаните, по моја проценка, имаат памтење од 4 до 5 години за нивото на цените. Мислам дека имаме разбирање кај извршната власт, дека им користи ниска инфлација. На среден рок ќе се стремиме инфлацијата да биде на ниво на она што е во еврозоната, потенцира гувернерот.

Според него, нема никаква мистерија како земјава успеа да го одржи фиксниот девизен курс од последната корекција во 1997 година.

  • Тоа беше единствено зашто нашата стапка на ифлација во просек четвртина век не остапуваше од инфлацијата во еврозоната. Ако отстапува, ако имате акумулирање, полека губите од конкурентноста на економијата. Оттука, имаме разбирање од извршната власт дека треба да се стремиме кон ниски стапки на инфлација, кон она што се постигнува во еврозоната. Сега има отстапување, има отстапување и во каматните стапки, од политиките, но и за тоа има причини – опашките од некои поранешни однесувања, од глобалните движења и домашните политики се уште опстојуваат. Базичната стапка на инфлација е уште висока и опстојува, некаде околу пет отсто, објасни Славески.

Во однос на кредитирањето, тој порача дека НБ не е пречка за финансирање на бизнисот ако се нудат издржани проекти. Претседателот на Стопанската комора Бранко Азески повтори дека за компаниите се уште клучни проблеми се борбата против корупцијата, сложените банкарски процедури за граѓаните и компаниите, транспарентноста

Поврзани теми:

топ

Најнови вести од: Македонија Бизнис

Егејска Македонија меѓу „неважните места“ во Грција и чувството на „етничката исклученост“ на Македонците од грчките економски политики

Концептот на „географијата на економско незадоволство“ на д-р Родригез Позе од Лондонската школа за економија и политички науки, надополнет од други експерти и со „географија на политичко незадоволство“, во овие месеци од 2026 година е јасно видлив во редица региони и градови во Грција, во која има зголемени територијални нееднаквости во економскиот развој. Кажано со терминологијата на Позсе, во Грција тоа се „места кои не се важни“, „заборавени од далечните елити“ и упаднати во „развојна стапица“, која е всушност многу повеќе неразвојна. Ваквите народски кажано во значителна, или поголема мера „забаталени места“ се наоѓаат во северниот дел на Грција, во нејзините периферни, пригранични региони Западна Македонија, Централна Македонија и Источна Македонија и Тракија. Уште поконкретно, овие региони ги опфаќаат и следниве градови и села во: Лерин –Флорина, Костур –Касторија, Воден –Едеса, Кукуш – Килкис, Сер –Серес, Пазар –Јаница, Саботско –Аридеа и Драма – Драма. Случајно ли е, или не е, тоа што во овие „места што не се важни“, кои се, поправо, Егејскиот дел на некогашната етногеографска Македонија, живее, покрај други, во поголема, или помала мера и македонско население?!

Теодосиевски: Мафијашите од коруптивно-криминалната коалиција го распродаваа македонскиот идентитет и ја тероризираа РМ од 2017 до 2024, оставајќи ја во катастрофа!

Оваа и ваква „опозиција“ ни по бројноста ниту пак по сериозноста на настапот може да се факторизира без поширока поддршка. Од каде? Од интелектуалната, академската, политичката, бизнис… мафија инсталирана во текот на изминатите три децении, а реанимирана и дополнета во спомнатиот период 2017-2024 година. Насловот можеше да биде дури и поексплицитен, на пример „Ај честито, мафијо“, или „Да живее автономијата на универзитетот“ итн. И ќе нагласеше одделни сегменти од мафијашките односи во државава актуелни во овој миг, па другите ќе останеа во сенка. Зашто широчината и длабочината на катастрофата на државата е огромна! Ова го нагласува Златко Теодосиевски во својата колумна со наслов „ Интелектуално-мафијашка врева“, која ја објави „Плус инфо“.

Сиљановска – Давкова: Му честитав за победата на Радев, очекувам конструктивен однос и разбирање на потребата за проширување

Претседателката на Република Македонија Гордана Сиљановска Давкова во телефонски разговор му ја честитала победата на парламентарните избори на поранешниот бугарски претседател, сега лидер на Прогресивна Бугарија, Румен Радев, и нагласила дека очекува од новата бугарска влада  конструктивен однос и разбирање на потребата за проширување.
Сите вести од Македонија

Најнови вести

To top