Македонија

Средба на Муцунски со сенаторот Петер Велч, еден од иницијаторите на новата Резолуција во Сенатот за односите САД-Македонија

При посетата на шефот на македонската дипломатија Тимчо Муцунски на Соединетите Американски Држави и во разговорите со политичките личности во оваа држава повторно доаѓаат до израз силното пријателство и доверба, што ги обединуваат македонскиот и американскиот народ.

1 минута за читање

На првиот ден од работната посета на Вашингтон, во Соединетите Американски Држави, министерот за надворешни работи и надворешна трговија на Република Македонија Тимчо Муцунски оствари средба со сенаторот Петер Велч. Тој е еден од иницијаторите на новата резолуција во Сенатот на САД, со која се одбележуваат 34 години од независноста на Македонија и 30 години од воспоставувањето на дипломатските односи меѓу двете држави.


Министерот Муцунски ја нагласи важноста на оваа резолуција како потврда за силното пријателство и доверба, што ги обединуваат македонскиот и американскиот народ. Тој подвлече дека Македонија останува посветена на заедничките евроатлантски вредности, демократијата, владеењето на правото и стабилноста на Западниот Балкан.

На средбата се разговараше и за унапредувањето на заемните односи, поддршката за европскиот пат на Македонија, како и за заедничкото уверување дека посетата ќе отвори нови можности за уште посилна соработка меѓу двете земји.

Во текот на денот предвидено е министерот Муцунски да оствари средби со повеќе претставници на Конгресот на САД и да се обрати на свечен настан, организиран по повод 8 Септември – Денот на независноста во присуство на македонското иселеништво. – соопштија од Министерството за надворешни работи и надворешна трговија на Република Македонија. 

Поврзани теми:

сенатор Петер Велч|Република Македонија|министер за надворешни односи Тимчо Муцунски|Соединети Американски Држави|Сенат на САД|Конгрес на САД|македонско иселеништво во САД

Повеќе на оваа тема:

Најнови вести од: Македонија

Јанкуловски: Пензионерите веќе го почувствуваа зголемувањето на пензиите, кои ќе растат и натаму

Заменик-министерот за финансии Николче Јанкуловски во емисијата Бизнис 21 на ТВ 21 изјави дека пензионерите веќе го почувствувале зголемувањето на пензиите со оваа влада, а најави и дека во наредниот период ќе следуваат дополнителни зголемувања, согласно со законските и фискалните можности.

Вилма Русковска го пријавила Боки 13 дека ја вознемирувал на телефон, тој пак ја обвини за цензура

Дел од настанот е документиран и на видео-снимка која се прошири на социјалните мрежи, на која се слушаат навредливи и вознемирувачки изјави упатени кон Русковска. Таа, како што е наведено, го предупредила Јовановски дека ќе се обрати во полиција доколку не престане со повиците, но контактите продолжиле и по предупредувањето.

Стојаноски: Измените на Кривичниот законик се преодно решение, за да се спречи амнестија на криминал во повеќе од 200 предмети

Бојан Стојаноски, пратеник од редовите на ВМРО-ДПМНЕ, во вечерашното гостување во „Тема на денот“ на ТВ Сител изјави дека измените на Кривичниот законик претставуваат преодно решение, произлезено од одлуката на Уставниот суд од февруари оваа година

Македонија со сериозен напредок кон дигитална трансформација – за две години успех како никогаш до сега

Системот овозможува нотификации во реално време, побрза достава без чекање, следење на статуси на предмети и поефикасна административна комуникација. Конкретна и мерлива имплементација. Со промоцијата на стратегијата, Владата најавува засилени активности за дигитална трансформација, модернизација на институциите и создавање поволна клима за инвеститори и донатори, со цел Македонија да се позиционира како регионален лидер во дигиталниот развој.

Град Скопје со конкретни мерки и препораки до граѓаните за заштита од загаденоста

Град Скопје известува и дека овластените инспектори за животна средина, комуналната инспекција и комуналните редари на градот, постојано вршат инспекциски надзори на диви депонии, стрништа, ораници заради спречување на нивно палење. Изречени се и прекршочни платни налози според Законот за управување со отпад, Законот за амбиенталниот воздух и Законот за животна средина.
Сите вести од Македонија

Најнови вести

To top