Македонија

Средба на Сиљановска-Давкова со гувернерот на Народната банка Трајко Славески

Оценката на гувернерот е дека македонската економија е стабилна, со солиден раст, но мора да се внимава на увозната зависност и цената на храната и енергијата

1 минута за читање

 

Претседателката Гордана Сиљановска-Давкова го прими гувернерот на Народната банка на Македонија, д-р Трајко Славески.

На средбата гувернерот ги презентирал основните макроекономски показатели, а потем ја запознал Сиљановска-Давкова со макроекономската политика.

Славески го објаснил влијанието на глобалните геостратешки трендови врз македонската економија, презентирајќи ги главните процеси во индустријата, трговијата и градежништвото.

Претседателката се интересирала за добрите страни на актуелната економска состојба, како и за недостатоците и ризиците.

Финалната оценка на гувернерот била дека економијата е стабилна, со солиден раст, но мора да се внимава на увозната зависност и цената на храната и енергијата, се вели во соопштението од кабинетот на претседателката Гордана Сиљановска-Давкова.

Обајцата сметаат дека стручните и компетентни човечки ресурси се особено важни за доброто функционирање на Народната банка.

Поврзани теми:

Народна банка на Македонија|Трајко Славески|избор|Гордана Сиљановска Давкова

Повеќе на оваа тема:

Најнови вести од: Македонија

ЕВН Македонија го започна проектот „PULSE“ за јакнење на улогата на жените во енергетската транзиција

Со овој проект, ЕВН Македонија уште еднаш ја потврдува својата заложба да биде активен чинител на позитивни промени, градејќи енергетски сектор во кој еднаквоста е темел за одржлива иднина

„Цементарница Усје“ не е главната причина за загадувањето во Скопје, тврди менаџментот на фабриката

Цементара Усје не е причина за загадениот воздух во Скопје. Компанијата работи по сите стандарди и ги почитува законите, затоа не гледаме причина за дислокација. Вака техничкиот директор на Цементара „ТИТАН Усје“, Гоце Цветковски одговори на новинарско прашање, прашан за тоа како компанијата гледа на обвинувањата од страна на граѓаните дека се најголем загадувач на воздухот во Скопје но и на барањата за дислокација.

ВИДЕО: На самото место фатени дрвокрадци кои пустошат на радовишка Плачковица (Видео)

„Конечно на самото место лице место фатени дрвокрадци кои, пустошат на радовишка Плачковица, Одземени се две моторни возила, една моторна пила и други средства кои ги користеа денеска дрвокрадците! Сторителите се идентификувани и против нив веднаш ќе бидат поднесени кривични пријави.“ – изјави заменик директорот на ЈП „Национални шуми“ Кире Михаилов.

Камиони ќе ги блокираат сите граници од Западен Балкан – Муратовска: Ќе има празни рафтови и страшен колапс на стопанството!

Во понеделник, на пладне ќе има целосна блокада за влез и излез на сите гранични премини во земјава. Камионските превозници од Србија, Босна и Херцеговина, Црна Гора и Македонија ќе ги паркираат камионите на сите гранични премини во овие земји и целосно ќе го блокираат товарниот сообраќај кон Европската Унија и транзитот низ регионот. Ќе нема пречки за влез и излез на патничките автобуси и автомобили. Протестот е заеднички – со цел да апелираат да се променат правилата во новиот систем за влез и излез на Европската унија, за пресметување на денови за престој на возачите. Велат тоа ќе го блокира и поскапи транспортот на стоки и ќе ги пропадне економиите на Западен Балкан.
Сите вести од Македонија

Најнови вести

To top