Порталот натаму ја пренесува изјавата на Стефановски: Лидерот на СДСМ најави засилен притисок кон власта, од која се бара јасен државен план за преговорите со ЕУ, притоа, истакнувајќи дека времето за изговори е истечено. Со оглед на ситуацијата во „Бихаќка“, дали со ова раководство на партијата, секоја порака е залудна? Се најавува притисок, но СДСМ го посеа семето на проблемот во однос на тоа што имаме активно вето од Бугарија, само затоа што СДСМ сервилно пристапи кон разговорите и преговорите во однос на Договорот за добрососедство.
-Државата има јасен државен план и тоа се гледа по реформската агенда и финансиската корист, што ја Македонија од ЕУ по однос на тоа. Дополнително оваа Влада има мандат од граѓаните за силна насоченост кон реформи и исполнување на Копенхагенските критериуми како основен вредносен код за членство во ЕУ. Изговорите во времето кога СДСМ преку Преспанскиот договор и Договорот за добрососедство кои ја понижија Македонија и не ѝ донесоа членство во ЕУ, завршија тогаш кога граѓаните пред извесен период двапати го казнија СДСМ,а му дадоа мандат на ВМРО ДПМНЕ да ја носи државата достоинствено во институциите и организациите кои се базираат на основни демократски вредности, како што и ЕУ. СДСМ во овој момент нема мандат, ниту образ да зборува за оваа тема, порачува Милован Стефановски.