Се грижиме. Не забораваме на луѓето кои ја градеа нашата татковина. Општина Гази Баба е и ќе остане дом за сите граѓани, без исклучок.
Градоначалникот на Гази Баба, Бобан Стефковски, сподели дека уште 1.140 пензионери од Општината добија финансиска помош од 2.500 денари на своите сметки.
„Оваа поддршка е дел од заложбите на општината да им помогне на нашите највозрасни сограѓани – луѓето кои ја градеа Македонија со години.
Комисијата посветено работеше и ги разгледа сите пристигнати барања. Заклучно со денешната исплата, повеќе од .2700 пензионери веќе ја добија оваа помош од општината.
Се грижиме. Не забораваме на луѓето кои ја градеа нашата татковина. Општина Гази Баба е и ќе остане дом за сите граѓани, без исклучок. Ова не е само административна одлука – ова е порака дека сите се важни и дека секој еден човек е вреден за внимание и грижа.
Како Ваш градоначалник, секогаш ќе бидам пријател и сојузник. Ви стојам на располагање, секогаш подготвен да помогнам“ напиша градоначалникот на Фејсбук.
„Не сум дојден да владеам, туку да работам – со чесност, одговорност и посветеност кон секој од вас. На дело да покажам поинаков пристап кон работата, одговорност кон граѓаните и должност кон општината.
Продолжуваме со работа – со визија, со срце и со дела“ објави градоначалникот на социјалните мрежи. .