Во Основниот граѓански суд во Скопје, сведок починал за време на судење.
Станува збор за З.Д., кој ненадејно се онесвестил додека сведочел, по што веднаш е повикана Итната медицинска помош. И покрај брзата интервенција на медицинскиот тим, лекарите можеле само да констатираат смрт. Настанот предизвикал шок и вознемиреност меѓу присутните во судницата.
„На 14 октомври 2025 во СВР Скопје е пријавено дека во Основен граѓански суд Скопје починал З.Д., кој бил сведок на судење. Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција,“ информираат од полицијата.
Нема индиции за насилна смрт, а обдукцијата ќе ги покаже точните причини за ненадејното починување на сведокот.