Македонија

„Тетова сот“: Вечерва во центарот на Тетово меѓу згради е пронајдено беживотното тело на Д.С. (24) студентка од Ѓаковица, Косово

„Граѓани, кои се претставуваат дека се сведоци, тврдат дека, наводно, девојката се фрлила од зграда. За ова засега нема потврда. Според други, исто така, неофицијални информации од жители од овој реон на Тетово, девојката веќе имала неколку претходни обиди за самоубиство и била во контакт со едно лице, за кое полицијата спроведува истраги преку следење телефонски податоци. Станари, кои живеат во околните згради во Тетово, изјавиле дека вечерва слушнале вознемирувачки звуци, но никој не можел да претпостави што се случува навистина.“ – објавија „Тетова сот“ и други медиуми.

1 минута за читање

„Вечерва околу 18 часот и 30 минути во Тетово е пронајдено беживотното тело на 24-годишната Д.С. од Ѓаковица, од Косово, меѓу зградите кај Центарот за социјални работи, спроти Зелениот пазар, во центарот на градот. Неофицијално таа студирала во Тетово. Според првичните информации, телото без знаци на живот го открил случаен минувач.“ – објави информативниот портал на албански јазик „Тетова сот“.

Порталот натаму пишува: Сознанијата за идентитетот на починатата девојка се добиени од жители на Тетово. Веднаш по пријавата на за откривањето на беживотното тело на местото на настанот пристигнале полициски екипи и претставници на Јавното обвинителство, кои спроведуваат истраги за разјаснување на причините и околностите на смртта. Телото на починатата е испратено на обдукција. Надлежните органи сѐ уште немаат објавено дополнителни детали во врска со целосниот идентитет на девојката, ниту за можните причини за нејзината смрт. Тетовската полиција најави дека ќе бидат објавени подетални информации по завршувањето на првичните истраги. 


Поврзани теми:

избор|полиција|тетово|почината студентка од Косово

Повеќе на оваа тема:

Најнови вести од: Македонија

Премиерот Мицкоски на првиот академски час на Универзитетот „Гоце Делчев“ во Штип

Првиот академски ќас ќе се одри и на универзитетите „Св. Кирил и Методиј“ во Скопје, „Св. Климент Охридски“ во Битола,  Државниот универзитет во Тетово и „Мајка Тереза“ во Скопје, на „Св. Апостол Павле“ во Охрид.

Героски: Филмот „Враќањето на бугарскиот Цар Самуил во татковината Бугарија“ е пропаганда и мизерија на најјако!

Ете баш вака изгледа „заедничката историја“ на европејски начин. Сите коски се бугарски! Политичка митологија и пропаганда пуштени на најјако. Грда и болна демонстрација на сила. Мизерија. А допрва ќе мора да признаеме дека нашата „заедничка историја“, всушност, е туѓа. Дека сме ја украле. Дека сме фалсификатори и лажговци. Дека, всушност, сме измислени и дека не постоиме. Уште има некој кому ова не му е јасно? Ова го истакнува новинарот Бранко Ѓероски во својата колумна со наслов „Цар Самуил се враќа во ‘татковината Бугарија’ со самолет, aj па ние утре Гоце Делчев ќе им го вратиме со дрон!“, објавена во порталот „Плус инфо“.

Манасиевски до Кузеска: Вие сте предавници, ВМРО ДПМНЕ е против „Бугари во Устав“ под бугарски диктат!

На телевизија Канал 5 во емисијата „Само Вистина“ гостуваше портпаролот на ВМРО-ДПМНЕ, Валентин Манасиевски кој се осврна на актуелните случувања поврзани со уставните измени и односите со Бугарија и порача дека ВМРО-ДПМНЕ е против уставни измени под бугарски диктат.

Шамбевски: Бугарија чини катастрофално погрешен чекор во однос на Македонија со моштите на Самоил! Може да ги пренесе, но не и Самоиловата тврдина од Охрид!

Споменот на Царот Самоил е во многу нешта заслужен за развивање на македонскиот национален идентитет и како таков бил светилник во најтемните денови на овој народ. Неговите коски можете да ги преместите колку сакате. Но, планините, езерата, градовите и историските траги не ги собира во ковчег!“ – реагира Оливер Шамбевски, македонски политичар и поранешен амбасадор на Република Македонија во низа светски држави, во врска со циркусот така наречен „враќање на моштите на цар Самуил во Бугарија“.

ВМРО ДПМНЕ: Каракачанов да си ги покани во Бугарија Заев и Филипче на пренесување на моштите на цар Самоил, кој има неизбришлива трага за Македонија!

„Во однос на поканата на Каракачанов до лидерот на ВМРО- ДПМНЕ Мицкоски за присуство на пренесување на моштите, посоодветно е таа покана да ја испрати до неговите истомисленици Зоран Заев и Венко Филипче.“ – реагира ВМРО ДПМНЕ кон Красимир Каракачанов. Претходно, во текот на овој ден, на 30 септември 2026 година Красимир Каракачанов, во улога на претседател на бугарската партија ВМРО и поранешен бугарски вицепремиер му упати дрска и провокативна покана на лидерот на ВМРО ДПМНЕ и претседател на Владата на Македонија Христијан Мицкоски „да присуствува на 3 октомври 2026 година на враќањето на посмртните останки на големиот бугарски владетел цар Самуил во неговиот роден град, во Софија, како знак на почит кон една од најзначајните личности во нашата заедничка средновековна историја“!

Македонија со стабилни девизни резерви, банките со солидна ликвидност

Во својот најнов извештај за нашата земја, меѓународната рејтинг-агенција „Фич“ ги нагласува кредибилноста и континуитетот на монетарната политика на Народната банка, како и стабилноста и отпорноста на банкарскиот сектор. Агенцијата оценува дека долгорочната посветеност за одржување стабилна монетарна политика, поддржана од фиксниот курс на денарот кон еврото, претставува важен фактор за макроекономската стабилност.

Ќе дадеме јасна предност на сериозни, добро осмислени и одржливи проекти, рече министерот Сулејмани за Годишните конкурси

Министерот ги повика уметниците, здруженијата, независните културни организации и сите заинтересирани апликанти да ги разгледаат условите на конкурсите и навремено да ги поднесат своите проекти.
Сите вести од Македонија

Најнови вести

To top