Македонија

Тежок удар за Ахмети и ДУИ: оставка на Насер Халити од раководната позиција во огранокот во Петровец, ги обвинува дека станале „роднинска структура“!

Медиумите на албански јазик во Македонија ја нагласуваат во прв ред жестоката критика на партискиот ветеран уште од почетоците на основањето и дејствувањето на ДУИ Халити, сега веќе дел на Демократското движење и на Вреди, дека неговиот досегашен шеф Али Ахмети и неговите истомисленици ги „подготвуваат своите деца да ја преземат власта во партијата, која нема повеќе никаква врска со првичните идеали“!

„Уште еден тежок удар врз опозициската ДУИ доаѓа овојпат од Петровец: Насер Халити, досегашен шеф на огранокот на ДУИ во оваа општина, ја објави својата неотповиклива оставка по 23 години ангажман во партијата на Али Ахмети.“ – објави информативниот портал на албански јазик „Актуале“.

Натаму порталот наведува: Во својата објава на фејсбук Халити нагласува дека причината за неговото заминување е недостатокот на реформи, возобновувањето на истите личности и подготовката на нивните деца да ја наследат власта во партијата. Според Халити, „тоа ја претвора ДУИ во непотистичка структура која изгубила секаква врска со своите првични идеали“.

Халити порача дека отсега ќе продолжи со својот политички ангажман во Демократското движење, како дел од владејачката коалиција Вреди, каде што наведува дека „гледа принципи, визија и простор за градење поинаква иднина“. – објави „Актуале“.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top