Македонија Бизнис

Трговците и производителите на храна на средба со министерот за економија – што си кажаа?!

Мерки за зашита на стандардот нма граѓаните нема, а инфлацијата стигна на 4.8 проценти. Мора да се има позитивни чекори, ако не сакаат трговците да има санкции, вели министерот за економија.

Ако нема позитивно чекори, ќе има санкции. Министерот за економија и труд рече да заврши месецот и анализите ќе кажат какви мерки ќе презема, денес вели дека прво да се види со трговците, производителите и дистрибутерите. Дурмиши вели дека ќе биде дадена крајна опомена и предупредување до нив да се однесуваат соодветно бидејќи во спротивно Владата ќе воведе ригорозни мерки. Дурмиши не прецизираше за какви мерки конкретно станува збор, ниту кога точно ќе бидат донесени.

  • Нашето барање е да дејствуваат соодветно, согласно економските трошоци што ги имаат, да не ги зголемуваат цените. Ова ќе биде крајна опомена, препорака и предупредување до нив. Во спротивно, ќе преземеме мерки кои ќе бидат ригорозни. Ако се однесуваат како претходните три месеци, ќе не доведат во ситуација да донесеме одлука што ќе биде многу построга. Нормално, ќе им излеземе во пресрет на граѓаните. Со тоа што ги викаме на средба, значи дека се подготвуваме за преземање мерки – рече Дурмиши.

Според него, инфлацијата „од трпезата премина на резервоарите“.

  • Во мај, по завршувањето на мерката, имавме инфлација во делот на храната и пијалаците од 1,1%, а во јуни 0,8%, сега е 0,3%. Значи, цените се стабилизираат. Но, денеска повторно, иако цените се стабилизираат, ќе имам состанок со сите трговци, производители и дистрибутери. Очекувам најголемите дистрибутери и трговци да дојдат. Ќе бидете известени на време кои ќе бидат нашите идни чекори и кои мерки ќе ги пеземеме. Работиме на изнаоѓање долгорочно решение за индиректно да влијаеме врз инфлацијата, а тоа е да ги поддржиме домашните производители, особено земјоделците, за подолг период. Народната банка и Министерството за финансии на подолг период треба да се борат со инфлацијата, а Министерството за економија и Министерството за земјоделство работат во делот каде што се надлежни – рече Дурмиши.

Дурмиши рече дека инфлацијата „од трпезата преминала на резервоарите“. Според него цените на храната се стабилизирале, а инфлацијата преминала во хотелските фактори, забавата, транспортот и повисоките цени на горивата.

Најнови вести од: Македонија Бизнис

Kако најевтино да се затопли домот во претстојните студени зимски денови?!

Граѓаните се свесни дека мора да платат за затоплување на домот, но се зависи колку им е длабок џебот. За голем дел од жителите на главниот град нема дилеми, бидејќи се приклучен на топлификационата мрежа. Најтешко ќе им биде на оние што се греат на струја.

Пожар на 10 метри од детска градинка, двајца полицајци повредени

Двајца полицајци се хоспитализирани на Клиниката за токсикологија поради вдишување на јаглерод моноксид додека го гаснеле пожарот што избувна денеска попладне во близина на новоизградената детска градинка, сместена во дворот на основното училиште „Св. Климент Охридски“ во Бутел.

(Фото): Хаос на „Евзони“ – граѓани со часови чекаат за излез од Грција

Огромни кологи и долги саати чекање на граничниот премин „Евзони“ пријавуваат македонски граѓани. Од голема гужва пред границата стојат веќе три до четири часа, а притоа немаат информации за прекини во работата на границата, ниту пак за штрајкови. 

Паѓаа дрва, се откорнаа покриви од згради – невреме ја зафати Македонија

Скопскиот регион, но и делови од Македонија, попладнево беша погодени од силно невреме проследено со ветер и дожд, по што речиси истовремено избија повеќе пожари на отворен простор, видливи од голем дел од градот и предизвикувајќи вознемиреност кај граѓаните.

To top