Македонија

Укинувањето на Пржинската влада е реформа, а не автократски потег

Според партијата, државата не треба да остане „заложник на привремени решенија“

Движењето ЗНАМ соопшти дека укинувањето на таканаречената Пржинска влада не претставува „автократски манир“, туку чекор кон реформа на изборниот систем и надминување на модел кој, според партијата, одамна ја изгубил својата првична цел.

Од ЗНАМ посочуваат дека Законот за техничка влада бил донесен во специфични политички околности, во период на длабока криза, објавување на незаконски стекнати материјали и постоење на специјално обвинителство, и оценуваат дека неговата улога денес е завршена.

Според партијата, државата не треба да остане „заложник на привремени решенија“ кои, како што наведуваат, се претвораат во трајни алатки за политичко условување.

Во реакцијата се наведува дека новото законско решение не ја укинува контролата, туку предвидува транзициски период со можност техничка влада да постои и за следните парламентарни избори. Од ЗНАМ велат дека станува збор за компромисно решение во кое, според нив, се вградени и најголем дел од предлозите на СДСМ.

Партијата ја отфрла и оценката на СДСМ за „шверцерски“ пристап, посочувајќи дека процесот бил транспарентен, со лидерска средба, официјални рокови и писмени предлози од сите партии.

Од ЗНАМ дополнително ја критикуваат одлуката на лидерот на СДСМ да не присуствува на лидерската средба, оценувајќи дека наместо аргументи, опозициската партија избрала политички настапи пред јавноста.

Во соопштението се поставува и прашањето зошто СДСМ, ако тврди дека е подготвен за нови избори, реагира со „нервоза“ и инсистира на задржување на техничката влада како механизам за гарантирање фер избори.

ЗНАМ смета дека заканите за повлекување од работата на изборниот закон претставуваат политички притисок и обид за блокада, нагласувајќи дека демократијата се гради со учество и аргументи, а не со уцени.

Од партијата порачуваат дека на државата ѝ се потребни стабилни институции и современ изборен систем кој ќе гарантира доверба кај граѓаните, без разлика која политичка опција е на власт.

Најнови вести од: Македонија

Мицкоски најави поевтини станови за брачни двојки помлади од 35 години

Без разлика во кој град и без разлика на кое место во Македонија, ниту една градежна компанија не може да добие дозвола за градба ако не оддели минимум 10 проценти станбена површина за брачни парови до 35 години, по цена која што ќе биде најмалку 20 проценти пониска од пазарната цена, најави премиерот Мицкоски.

Не се укинува вториот пензиски столб – законската одредба за 6%, се префрла во друг закон, рече министерот Велковски

Дали со предлогот за  бришење на членот 120, односно на одредбата за уплата на 6% во вториот пензиски столб власта ги доведува во ризик пензиските заштеди на повеќе од 650.000 граѓани кои се негови членови?!

Во Битола се одржа литија низ Широк Сокак со чудотворната икона на Пресвета Богородица Утешителка Паљурска

По Светата Литургија, чудотворната икона на Пресвета Богородица Утешителка Паљурска беше изнесена во свечена литија низ Широк Сокак, во која се вклучија свештениците, монашките заедници и бројните ходочесници. Со литијата заврши централниот дел од ходочестието во Битола.

Најнови вести

To top