Плусинфо дознава дека дел од лицата се уапсени, а против сите се покренати кривични пријави за разни кривични дела, од злоупотреба на службена положба, примање поткуп, до фалисификување исправи.
Според информациите до кои дојде Плусинфо, 11-те лица опфатени со проширената акција на МВР се товарат за неколку дела.
„ Денеска се приведени околу десетина лица и се вршат претреси на одредени локации. Се работи за лица вработени во Управата за јавни приходи, за злоупотреба на службена положба и примање мито“ рече Коцевски, без да прецизира на кои позиции работеле тие во УЈП.
Прашан дали приведните имале комуникации со сопственикот на дискотеката „Пулс“, а дел од тие комуникации беа презентирани во јавноста, Коцевски рече дека дел од тие пораки се дадени во судот.
Овој предмет не може да се спојува со веќе почнатиот за случајот Кочани, затоа што овде не e поврзаноста со штетната последица смрт. Ова се дела за злоупотреба на службената должност, давање и примање поткуп, што нема врска со другиот кривичен настан’, прецизира Коцевски.