Македонија

Утринава нови долги колони на возила и хаос на граничниот премин Евзони: чекање и повеќе од 4 часа за влез во Грција!

Утрово повторно се создадоа долги колони на возила на граничниот премин Евзони, при влез во Грција, каде што гужвите значително се зголемуваат со почетокот на викендот и летната туристичка сезона. Според информации од самото место, меѓуграничниот простор на преминот е речиси целосно исполнет, а возилата чекаат и повеќе од 4 часа за да ја преминат границата.

2 минути за читање

Зголемениот прилив на патници кон грчките летувалишта доведе до заситување на капацитетите на преминот и создавање на подолги колони уште во раните утрински часови. Граѓаните кои викендов ќе патуваат кон грчките туристички места, особено кон Халкидики, треба да бидат подготвени за изменет режим на сообраќај и можни подолги задржувања во близина на Солун.

Грчките власти информираа дека поради градежни зафати за изградба на нов надвозник, дел од обиколницата околу Солун привремено ќе биде затворен за сообраќај во двата правци. Според најавите, коловозот во западниот правец, односно кон центарот на Солун, нема да биде во функција од петок, 26 јуни, од 23 часот, па сè до недела, 28 јуни, до 23 часот.

Во истиот период ќе биде затворен и источниот правец, кој води кон аеродромот и туристичките места на Халкидики. Дополнително, надвозникот што ги поврзува Пилеа и Панорама ќе биде затворен од сабота, во 05 часот наутро, до недела, во 23 часот.

Во текот на ограничувањата, возачите ќе бидат пренасочувани по алтернативни сообраќајници низ урбаното подрачје на Солун, поради што се очекува зголемена фреквенција на возила и создавање метеж, особено во шпицот на туристичката сезона. Надлежните служби препорачуваат патниците навреме да го испланираат своето патување, да се информираат за алтернативните рути и да предвидат дополнително време за патување.

Поврзани теми:

нови долги колони на возила и хаос утринава на граничниот премине Евзони|пка чекања и над 4 часа за влез во Грција|топ

Најнови вести од: Македонија

Трајче Грозданов од Росоман има 101 година! Во среќен брак 72 години, има четири сина, осум внуци и 11 правнуци!

Здравата храна и живот без нервози, тоа „формулата“ за долговечност на Трајче Грозданов од Росоман. Цели 72 години е во брак со неговата сопруга Загорка, која е влезена во 94-та година од животот.

ВМРО ДПМНЕ: СДС и ДУИ и од опозиција се обидуваат да го закочат реформскиот процес, со што не ѝ мислат добро на Македонија!

СДС и ДУИ и од опозиција не придонесуваат никако за реформските процеси и со своите постапки продолжуваат да ги блокираат законските решенија кои се дел од Реформската агенда, обвини ВМРО ДПМНЕ.

Во детската клиника во Скопје победничкото ѕвонче силно ѕвонеше за Ана: малата хероина победи во најтешката животна битка! (Видео)

Во Клиниката за детски болести секојдневно се водат најтешките битки – битки што ниту едно дете не заслужува да ги води, а ниту еден родител никогаш не би посакал да ги доживее. Таму се лекуваат најмалите херои, дечиња кои, наместо да мислат на игра, училиште и безгрижно детство, покажуваат неверојатна сила, храброст и надеж. Но, токму на ова место се раѓаат и најубавите победи. Во изминатата година многу мали борци ѕвонеа на најомиленото и најпосакуваното ѕвонче на Клиниката – победничкото ѕвоно, чиј звук носи порака дека една тешка животна битка е добиена. Вчера тоа ѕвонче силно одекна за хероината Ана.

Денес Тошковски ќе даде отчет за сработеното во изминатите две години, откако пред три дена пропадна третата интерпелација против него

Министерот за внатрешни работи Панче Тошковски денеска ќе даде отчет за сработеното во изминатите две години. Настанот, како што информираат од Министерството за внатрешни работи, ќе се одржи во Центарот за обука во Идризово со почеток во 9 часот.

Нов систем на плати, вработувања и одговорност – Собранието ги донесе законите за судска и јавнообвинителска служба

Пратениците во Собранието ги изгласаа законите за судска и јавнообвинителска служба. Со 61 глас „за“ и 12 „против“ се донесе законот за судска служба.
Сите вести од Македонија

Најнови вести

To top