Утрово во 5 часот и 40 минути е регистриран земјотрес со локална магнитуда 3,9 според Рихтеровата скала.
Епицентарот бил во подрачјето Охрид–Струга, на околу 135 километри југозападно од Скопје.
Според информациите од Сеизмолошката опсерваторија при Природно-математичкиот факултет во Скопје, потресот бил почувствуван во југозападните делови на земјата, особено во Охрид и околината.
Интензитетот достигнал IV степени според Европската макросеизмичка скала.