Македонија

Велосипедист пукал неколкупати со огнено оружје во М. И. (18) изминатата ноќ во Чаир, кој е со повреди однесен во Ургентен центар

Се уште нема сознанија за идентитетот на велосипедистот, ниту од кои мотиви пукал кон тинејџерот.

1 минута за читање

Осумнаесетгодишно момче од Скопје е повредено, откако велосипедист пукал кон него во скопски Чаир. Настанот се случил ноќеска на улица „Методија Митевски“, а бил пријавен во полиција нешто по 1 часот по полноќ. Тинејџерот М. И. бил однесен во Ургентниот центар при комплексот клиники „Мајка Тереза“ од страна на В. И. (28) од Скопје, кој со возило го донел повредениот.

„Полициски службеници од Полициската станица ‘Битпазар’ извршиле разговор со В. И. (28) од Скопје. Тој изјавил дека на улицата ‘Методија Митевски’ едно лице, кое било со велосипед, неколкупати од огнено оружје пукало кон М. И. и го напуштило местото.“ –  наведуваат од МВР.

На местото на настанот е извршен увид и се преземаат мерки за расчистување на случајот.

Поврзани теми:

велосипедист|тинејџер|мвр|пукање|Чаир|огнено оружје

Повеќе на оваа тема:

Најнови вести од: Македонија

Денес се одбележуваат великото дело и личноста на Свети Наум Охридски, еден од основоположниците на македонската и сесловенската писменост (1)

Денес Македонската православна црква – Охридска Архиепископија и сиот македонски народ, не само оние, кои се православни христијански верници, го одбележуваат црковно-народниот празник, посветен на личноста и великото дело на Свети Наум Охридски – Чудотворец, еден од основоположниците на македонската и сесловенската писменост и просвета, заедно со светите браќа Кирил и Методиј, како и со Св. Климент. Свети Наум Охридски останува запаметен како исцелител и просветител на македонскиот народ, но како и заштитник на манастирот „Св. Наум“ во Охрид. Охридската книжевна школа, како најстара средновековна македонска книжевна школа, е формирана во 886 година од Свети Климент Охридски. Во 893 година на Климент му се придружува Свети Наум Охридски, откако Климент е назначен како епископ. Во рамките на Охридската книжевна школа биле обучени повеќе од 3.500 ученици и таа одиграла клучна улога во описменувањето, како и во ширењето на македонската и словенската писменост и култура.

Милошоски: Македонија меѓу предводничките по постигнатите реформи во рамките на Реформската агенда од Планот за раст на ЕУ

Проценката на Европската комисија, ѝ дава за право на владејачката партија да упати апел до претседателот на СДСМ, Венко Филипче, да не ги попречува законите кои се дел од обврските од Реформската агенда, меѓу кои и Изборниот законик, и да покаже прагматичност во интерес на државата
Сите вести од Македонија

Најнови вести

To top