Македонија

Ветвендосје на Курти победи на изборите, но дали ќе има мнозинство гласови, за да формира самостојно влада на Косово? – Честитка од Меџити

Изет Меџити, градоначалник на општина Чаир и еден од лидерите на коалицијата Вреди, испрати честитка до премиерот Албин Курти по неговата нова изборна победа во Косово. „Добра вест доаѓа од Косово. Уште една победа за Албин Курти и Самоопределување. Албин, големо задоволство е да ја видам вашата нова победа, дури поголема од претходните избори. “ – посочи, покрај другото, Меџити во својата честитка. Тој додаде дека „од Скопје ја потврдува својата поддршка за демократските процеси во Косово“.

2 минути за читање

Косовската партија Ветвендосје (Самоопределување), предводена од Албин Курти, освои 49,99 отсто гласови на изборите на 93 отсто преброени гласови. Ако успее да добие 50 отсто, или повеќе гласови, тогаш ќе може самостојно да формира влада. Косово денеска гласаше за новиот состав на својот парламент, по вторпат за 11 месеци. Вонредните парламентарни избори беа неопходни, бидејќи иако „Самоопределување“ се појави како најголема партија на редовните избори на 9 февруари, не успеа да постигне практично мнозинство во парламентот, ниту да формира влада. Оттогаш новиот парламент остана заглавен, не успевајќи да се договори за изборот на раководството и затоа не можеше да работи.

Курти управува со Косово од 2021 година со реформска агенда, која досега имаше мешани резултати, пренесува германската агенција ДПА. Меѓутоа, тој се надева на нова победа на овие избори како и во 2021 година, кога практично сам можеше да формира влада. Ако не успее повторно да освои мнозинство од гласовите, тогаш ќе се постави пак пред него прашањето: дали клучните политички играчи ќе бидат подготвени овој пат да направат компромис за да овозможат коалициска влада?

„Поранешната српска покраина, чие население е речиси исклучиво составено од Албанци, прогласи независност од Србија во 2008 година по востанието и интервенцијата на НАТО во 1999 година.“ – потсетува германската агенција. Косово е признаено од повеќе од 100 земји, но не од Русија, Србија, Грција или Шпанија. Се смета како можен кандидат за пристапување во Европската Унија, пренесува ДПА.

Поврзани теми:

парламентарни избори на Косово|Изет Меџити - Вреди|актуелно|Ветвендосје (Самоопределување)

Најнови вести од: Македонија

На паркинг на булеварот „АСНОМ“ во Скопје, оштетени 34 возила!

Не едно, не неколку, туку рамно 34 возила се оштетени на паркингот на булеварот „АСНОМ“ (од Ново Лисиче кон населба Аеродром) – некој решил да се „забавува“, или за што станува збор?! Екипа од СВР Скопје извршила увид, известен е јавен обвинител и се преземаат мерки за пронаоѓање на сторителот и за целосно расчистување на случајот, велат од полицијата.

Над половина од семејствата со повеќе деца едвај крпат крај со крај

Просечно секој петти граѓанин во државата живее во сиромаштија, а според последните податоци на ДЗС за лани, стапката на сиромаштија во земјата изнесува 21,9 %. Најизразена е кај децата до 17 години каде процентуалноста пак достигнува 29,5 % што укажува на тоа дека речиси една третина од младите деца живеат во сиромаштија. Кај вработените лица, стапката на сиромаштија во 2024 година изнесува 7,9 проценти, што укажува на присуство на т.н феномен на „сиромашни вработени“ – лица кои и покрај тоа што имаат работа, остваруваат приходи под прагот на сиромаштија.

Шабани: Огромното мнозинство од младите во РМ воопшто не се заинтересирани за темите, за кои зборува Али Ахмети, „доживотниот цар на ДУИ“!

„Без нови личности и визија, ДУИ се изложува на опасност да остане во опозиција долго време. Конгресот на ДУИ произведе незадоволство, а не реформи. Лошото во врска со Конгресот на ДУИ е тоа што не со замина Али Ахмети, кој е главниот виновник за поразот на ДУИ на локалните избори одржани во октомври. А тој сака да остане цар, самовладетел во ДУИ до својата смрт! Огромното мнозинство од младите луѓе во земјата, особено оние родени по Охридскиот договор, воопшто не се заинтересирани за темите за кои зборува Али Ахмети.“ – се нагласува во анализата, која е објавена во весникот на албански јазик „Бота сот“ од Приштина, Косово со наслов „Поделба во ДУИ по изборот на раководството на Конгресот“.

Хаос во центарот на Скопје: „Сеат“ удри во три паркирани автомобили, контејнери, автомобили во движење и семафор

Вистински хаос се случил во петокот околу 12:30 часот на улицата Григор Прличев во Скопје, кога патничко возило „сеат“ предизвикало серија судири, оштетувајќи повеќе автомобили, контејнери и градска инфраструктура.

ДУИ со реакција за случајот со креветот

Премиерот сe уште нема побарано извинување за неоснованите и навредливи обвинувања што јавно ги упати кон албанските службеници во Министерството за меѓуетнички односи, со што ги навреди не само нив, туку и нивните семејства, велат од ДУИ.
Сите вести од Македонија

Најнови вести

To top