Македонија

(Видео): За две години пензиите се зголемени за 325%, рече премиерот

Растот на пензиите за две и пол години мандат на оваа Влада е за 325% поголем од растот за седумте години власт на СДСМ и ДУИ. Со бројки и факти, премиерот вели дека одговара на обвинувањата на опозицијата дека граѓаните изгубиле со линеарното покачување и дека заштедите за идните пензионети биле загрозени.

2 минути за читање

Премиерот Христијан Мицкоски тврди дека растот на пензиите во првите две години од мандатот на актуелната Влада е значително поголем во споредба со истиот период од претходната влада предводена од СДСМ и ДУИ. Според неговата пресметка, просечната старосна пензија во актуелниот владин мандат пораснала за повеќе од 6.800 денари. Тој додава дека пресметките покажуваат дека за 25 месеци, во просек секој месец пензиите биле поголеми за 296 денари. Претходно за 83 месеци власт на СДСМ и ДУИ, просекот изнесувал 91 денар. Мицкоски заклучува дека разликата е 3,25 пати повеќе пари на сметките на пензионерите споредено со достигнувањата на претходниците. Ако се споредуваат, пак, овие 25 месеци со првите 25 месеци владеење на СДСМ, разликата била уште подрастична, односно пензиите се зголемиле за 12,5 пати повеќе.

  • „Еве да ги споредуваме првите 25-26 месеци од претходната влада во периодот јуни 2017-та до јуни-јули 2019-та со овие 25-26 месеци од оваа влада, односно тогаш просечната старосна пензија за првите 25-26 месеци од претходната влада се зголемила за цели 540 денари. Во овие 25-26 месеци на владата предводена од ВМРО-ДПМНЕ, просечната старосна пензија се зголемила за нешто повеќе од 6 илјади и 800 денари или математички прецизно тоа е повеќе од 12,5 пати. Таа е разликата“, вели Христијан Мицкоски.

Мицкоски смета дека опозицијата треба да критикува, но аргументитано. Овие изјави за пензиите, но и за другите економски параметри, за премиерот се резултат на безидејноста на опозицијата која критикувала за се и сешто, што, според него, треба да се надмине, ако сака да биде конкурентна на политичката сцена.

Според неговите податоци, во првите 25-26 месеци од претходната влада просечната старосна пензија се зголемила за 540 денари. Во истиот период од актуелната влада, според Мицкоски, просечната старосна пензија пораснала за повеќе од 6.800 денари.

  • „Математички прецизно, тоа е повеќе од 12,5 пати. Таа е разликата“, изјави премиерот.

Мицкоски порача дека Владата е подготвена да ги образложи и аргументира презентираните податоци во јавна дебата со опозицијата.

 

Поврзани теми:

ПИОМ|трошоци|топ|актуелно|Мицкоски|пензионери|пензии

Повеќе на оваа тема:

Најнови вести од: Македонија

Интервју: Глупост е Самуил да се враќа во Бугарија, тој таму никогаш и не бил, вели професор Атанасовски

Професорот Александар Атанасовски, чија специјалност е средниот век, вклучително и времето на Византија и Самуиловото Царство, беше гостин во емисијата Радио Точка, во рамки на програмата Хоризонт на Бугарското национално радио БНТ. Централна тема – договорот меѓу Бугарија и Грција за пренесување на наводните коски на цар Самуил од Солун во Софија.

(Фото): Означен стартот на 22. издание на „Виз Ер Скопски маратон“, улиците преполни со учесници

Град Скопје е покровител на спортската манифестација, а градоначалникот вели дека градските служби се подготвени да ја обезбедат потребната поддршка за нејзино успешно одржување.

Пола Скопје ќе биде затворено за сообраќај – стартува 22. издание на „Виз Ер“ Скопскиот маратон

Од Министерството за внатрешни работи апелираат граѓаните да го избегнуваат движењето по овие сообраќајници во периодот од 06:00 до 14:00 часот и да ги почитуваат наредбите на полициските службеници на терен.

(Видео): Државата е енергетски стабилна, се очекува поевтинување на горивата, вели Мицкоски

Државата не е голем потрошувач на гас и постои план за справување со можните предизвици, велат од Владата. Премиерот кажа и дека разговарал со големите нафтени компании. Премиерот очекува и поевтинување на горивата веќе од следната недела.

Во пресрет на грејната сезона – парно, струја, дрва: Што најмногу го празни џебот?!

Најефикасното, но и најскапо современо решение е топлотна пумпа систем воздух-вода. Оваа инвестиција бара помеѓу 6.500 и 9.000 евра, иако потоа месечната потрошувачка на струја за целата куќа е приближна на трошокот за два инвертер уреди. За домаќинствата кои немаат буџет за вакви системи, поставувањето на три поквалитетни инвертер клими со инвестиција од околу 2.500 евра.

Секоја десетта цигара во ЕУ е нелегална, црниот пазар ја опфаќа и Македонија

Предизвик за европските институции не е само растот на нелегалното производство, туку и неусогласениот начин на кој земјите му се спротивставуваат. Националните системи за контрола и спроведување значително се разликуваат, кривичните дела и казните не се доволно хармонизирани, а и натаму постојат празнини во соработката и размената на информации меѓу надлежните институции.
Сите вести од Македонија

Најнови вести

To top