Македонија

Владата ги испраќа имињата на кандидатите за јавен обвинител до Советот на јавни обвинители

Официјално не се соопштени имињата на кандидатите, но според потврда на самите кандидати, се работи за моментната вршителка на должноста државна јавна обвинителка Анита Тополова-Исајловска, обвинителката од скопското Обвинителство Лидија Раичевиќ, обвинителката Ленче Ристовска, судијата од Кривичниот суд Ненад Савевски и поранешниот претседател на Кривичниот суд Владимир Панчeвски.

1 минута за читање

Владата на денешната седница донесе заклучок во однос на петте кандидати за јавен обвинител и согласно со законските одредби ќе ги достави до Советот на јавни обвинители, информира денеска на прес-конференција владината портпаролка Марија Митева.

Одговарајќи на новинарско прашање, Митева појасни дека Собранието на Република Македонија ја информирало Владата за завршување на огласот за Јавен обвинител. 
– Собранието ја информираше Владата за завршување на огласот за Јавен обвинител. Ги достави петте кандидати, кои ѝ се добро познати на јавноста. Владата донесе заклучок имињата на кандидатите да ги достави до Советот на јавни обвинители, кој има рок од 15 дена да ѝ одговори на Владата, односно да испрати мислење, рече Митева.

Кандидатите мора да имаат непрекинат работен стаж од најмалку 10 години како јавни обвинители, или судии од областа на кривичното право. Со 61 глас од пратениците во Собранието на Македонија ќе треба да биде избран новиот државен јавен обвинител. Љупчо Коцевски поднесе оставка на таа позиција во декември 2025 година. 


Поврзани теми:

Влада на Република Македонија|избор на државен јавен обвинител|актуелно|кандидати

Повеќе на оваа тема:

Најнови вести од: Македонија

Почина Волф Ошлис, амбасадорот на македонската кауза: Ако Европа ја изгуби Македонија, ќе се изгуби и себеси!

На 30 август 2026 година германските научни платформи објавија потврдена вест, која е повеќе од тажна за македонскиот народ и Република Македонија: уште на 18 август 2026 година почина професор доктор Волф Ошлис, германскиот и европски македонист со непроценливо значење на неговиот политичко-јазичен македонистички ангажман за македонскиот народ и јазик, за одбраната на националната, идентитетска, јазична, културна и историска засебност и самобитност на Македонците наспроти сите нивни негирања како народ. Неговата реченица: „Нема ништо полесно отколку да бидеш пријател на Македонија. Јас сум тоа од 1975 година…“ ја одразува неговата длабока професионална, но и лична, чувствена врска со македонската кауза, со Македонците и Македонија

Легендарниот македонски војвода Александар Турунџе пред да си стави јамка на вратот на 30.8.1905: Македонија ќе биде слободна!

„Личната трагедија на македонскиот револуционер, ајдутин, четник и војвода Александар Турунџев, кој е предаден на турските власти за 150 златници од свој сонародник, по што бил обесен на Ат-Пазар во Битола на 30 август 1905 година, освен што е симбол на она што многу често провејува низ македонската историја – предавството, многу повеќе е национален херој и симбол на борбата за слобода на македонскиот народ.Погубувањето на Турунџев се одвивало пред бројни сведоци, меѓу кои и неговата сопруга и нивните две малолетни деца, ќерка и син, кои биле принудени немо да го гледаат испуштањето на последниот здив на својот татко.“ – објави Македонската информативна агенција – МИА.

Штип е без вода: Филтер станицата исклучена, поради крајно големата заматеност од синоќешното невреме

Градот Штип од 14 часот е без вода за пиење. Филтер станицата се исклучи од цевководот на хидросистемот „Злетовица“ поради големата заматеност на водата која пристигнува од браната Кнежево, информираше на вонредната прес-конференција директорот на ЈП Исар Штип Александар Арсовски.

ЗНАМ го осудува глорифицирањето на воените злосторства

Движењето ЗНАМ најостро ги осудува воените злосторства случени на поранешните југословенски простори, вклучувајќи ги и хашките случаи во Македонија од 2001г., и секој обид за нивна глорификација, релативизација или оправдување
Сите вести од Македонија

Најнови вести

To top