Спроведена е обемна полициска акција на подрачјето на Берово, Пехчево и Делчево за разбивање на организирана криминална група, која со години наназад вршела нелегална сеча на шуми, злоупотреба на службена положба, примање и давање поткуп, како и други тешки дела против животната средина. Оваа полициска акција се одвива од вчеравечер и се уште трае. Неофицијално, меѓу приведените се и сегашен директор на Јавното претпријатие „Македонски шуми“ и сегашен началник во полицијата, повеќе други полициски службени лица, шумски полицајци, службено лице од подрачна единица на министерство за земјоделие, како и сопственици на правни субјекти. Тие се сомничат дека систематски организирале нелегална сеча и транспорт на дрвна маса, која потоа преку коруптивни врски ја пласирале како легално исечена.
Групата функционирала како злосторничко здружение заради личен профит на сметка на државата и природните ресурси. Со години никој не се обидел да ја спречи нивната работа, иако пустошењето било очигледно. Тоа отвора сериозно прашање: дали на локално ниво има доволно чесност и доблест да се спротивстават на криминалот и да го заштитат јавниот интерес?
Според ова јасно се нагласува дека со оваа акција полицијата и Владата испраќаат јасна порака корупцијата, уништувањето на природата и злоупотребата на функциите нема да бидат толерирани, без оглед на тоа кој стои зад нив. Шумите се национално богатство и наследство, што мора да се сочува за идните поколенија. Надлежните државни најавуваат дека ќе продолжат со решителни акции против сите, што ја загрозуваат животната средина.
Нетпрес