СДС на овие локални избори доживеа историски дебакл, а партијата предводена од Венко Филипче го изгуби во прв круг и бастионот – Струмица, велат од ВМРО-ДПМНЕ.
„ВМРО-ДПМНE пак ја освои Струмица во прв круг. Граѓаните и во бастионот на СДС јасно им кажаа не за нивните политики.
СДС во главниот град отиде до таму да не може да влезе ниту во втор круг. Во главниот град Скопје се дури четврти, пред нив трети се дури и ВРЕДИ, се вели во парѕисокото соопштение. .
„Венко Филипче ни помалку ни повеќе ја направи СДСМ трета партија, по општини гледано некаде и четврта.
Поточно СДС не успеа да го заземе второто место, односно или се трето, а некаде дури и на четврто место. Таков е случајот во следните општини Битола, Брвеница, Бутел, Дебарца, Карпош, Кисела Вода, Кочани, Брод, Могила, Долнени, Куманово, Шуто Оризари, Скопје.
Резултатите од првиот круг избори јасно покажуваат дека СДС предводена од Венко Филипче заедно со неговиот струмички гуру Зоран Заев покажаа целосна безидејност, немање на никакви проекти, односно ништо не им понудија на граѓаните со што се потврди нивната грижа само за нив лично.
Резултатите од овие избори целосно го декласираа Венко Филипче. Единствениот добар и корисен потег што може да го направи тој за народот и за самата СДС е да си поднесе оставка“ велат од ВМРО-ДПМНЕ.