Македонија

ВМРО-ДПМНЕ: Левица го блокира Изборниот законик

Апасиев се повлекол од претходно договореното

ВМРО-ДПМНЕ ја обвини Левица и нејзиниот лидер Димитар Апасиев дека го блокираат донесувањето на новиот Изборен законик, иако, според владејачката партија, претходно бил постигнат консензус за сите нивни барања.

Во партиското соопштение се наведува дека сите политички партии се согласиле со предлогот за поголемо буџетско финансирање на изборните кампањи, што било едно од клучните барања на Левица. Сепак, од ВМРО-ДПМНЕ тврдат дека Левица подоцна се повлекла од договореното и го блокирала целиот процес.

„Левица јавно зборува за принципи и изборни реформи, но во пракса избрала политички конфронтации и блокади наместо поддршка на договорените решенија“, се вели во соопштението.

Од ВМРО-ДПМНЕ додаваат дека на државата ѝ се потребни функционални институции и политичари кои стојат зад преземените обврски, обвинувајќи ја Левица дека нуди популизам наместо конкретни решенија.

Најнови вести од: Македонија

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

To top