Македонија

Во Бугарија има луѓе кои немаат проблем со Македонија и Македонците (ВИДЕО)

Бугаринот кој дава надеж дека не сите мостови на пријателство меѓу Македонија и Бугарија се разрушени

Христо Петров, пратеник од Бугарија во Европскиот Парламент е доказ дека во Бугарија има луѓе кои немаат проблем со Македонија и Македонците.

Не само што Петров не упатува говори на омраза кон Македонија на кои се навикнавме од други бугарски политичари туку тој се залага за побрз влез на земјава во Европската Унија.

Во говор пред Европарламентот Петров раскажува дека многу пати бил во Македонија пред таа да го смени името и дека умните луѓе во неа заслужуваат да бидат дел од ЕУ.

Петров е Европратеник од групата Либерали во ЕП кој доаѓа од партијата Продолжуваме со промените – Демократска Бугарија на екс премиерот Кирил Петков.

Оваа партија според последните анкети е втора најголема партија во Бугарија со околу 14 проценти рејтинг меѓу гласачите.

Изјавата на Петров која дава надеж дека може да има разбирање меѓу Македонците и Бугарите во линкот

https://www.facebook.com/share/r/1FFrVEj8SC/

Најнови вести од: Македонија

Касами: Не стојам зад Хаќим Рамадани и не го поддржувам во Брвеница, оти предизвика етничка поделба

Градоначалникот на Тетово и лидер на Движењето Беса Билал Касами во интервјуто, дадено за ТВ Алсат, нагласи дека на прагот на вториот круг на локалните избори на 2 ноември тој и коалицијата Вреди не ги поддржуваат ниту Фатмир Дехари како кандидат на ДУИ за градоначалник на Кичево, ниту Хаќим Рамадани како кандидат на Вреди за претседател на општина Брвеница.

Ѓорѓиевски: Левица е во коалиција со ДУИ, се виде уште од првиот круг, тоа го потврдуваат сега и фотографиите!

„Левица имала поддршка од ДУИ уште во првиот круг на локалните избори.“ – нагласи кандидатот за градоначалник на Град Скопје Орце Ѓорѓиевски во вечерашната емисија „На дуел кај Иван“ на Канал 5 телевизија.

Касами: Дехари не донесе ништо добро во Кичево, не можеме да застанеме зад него само оти е Албанец!

Билал Касами, тетовскиот градоначалник и лидер на Беса, од коалицијата Вреди, во интервјуто за ТВ Алсат посочува дека „намерата не била да се поддржи ниеден кандидат, поради етничка припадност, туку врз основа на морални вредности и политички перформанси“.

Судот одреди 30 дневен притвор за Рустеми и Саити

Основниот кривичен суд Скопје го усвои предлогот на Основното јавно обвинителство Скопје и одреди притвор во траење од 30 дена за двајца раководители од ЈП „Комунална хигиена“ – Скопје, поради основано сомневање за кривичното дело „Загрозување на животната средина и природата со отпад“ од член 230 став 1 од Кривичниот законик.

Паника во Скопје и Куманово по дојави за бомби

Во неколку основни училишта во Скопје и Куманово вечерва на електронските адреси пристигнале пораки за наводно поставени експлозивни направи, информира МВР. Полицијата веднаш изврши проверки, а учениците се безбедно евакуирани.

Мециновиќ: Вториот круг ќе охрабри многу луѓе да излезат и да гласаат

Кандидатот за градоначалник на Град Скопје од Левица, Амар Мециновиќ, во телевизискиот дуел со Орце Ѓорѓиевски од ВМРО-ДПМНЕ, ја анализираше ниската излезност на гласачите во првиот круг од локалните избори 2025 година, истакнувајќи дека коренот на проблемот лежи во длабоката недоверба на граѓаните во можноста за вистински политички промени.

Ѓорѓиевски: Досега немало разлика од 60.000 гласови меѓу противкандидати на локални избори

Кандидатот за градоначалник на Скопје од редовите на ВМРО-ДПМНЕ, Орце Ѓорѓиевски, за време на вечерната дебата со својот противкандидат Амар Мециновиќ од Левица на телевизија Канал 5, изјави дека не триумфирал во првиот круг од локалните избори поради ниската излезност на граѓаните

To top