Со 20-тина трудови на истакнати научни работници и јавни личности, во родната куќа на великанот Блаже Конески во Небрегово денеска е промовирана книгата „80 години азбука и правопис на македонскиот стандарден јазик“ во издание на Културно-едукативниот центар „Небрегово“.
Атанас Конески, секретар на КЕЦ „Небрегово“ нагласи дека познатата реченица на великанот Блаже Конески „Јазикот е нашата единствена татковина“ е максима за македонскиот идентитет.
-Во рамките на 80 години од кодификацијата на македонскиот стандарден јазик, ова е првца книга што ја издава Културно-едукативниот центар „Небрегово“ за овој голем јубилеј, инаку е 18-та за БлажеКонески и македонскиот јазик. Книгата е создаденба од трудови по претходен конкурс зна сите научни работници од сите институции и на истакнати јавни личности.Посебно гоиздвојувам текстот на поглаварот на МПЦ, г.г. Стеган. Тој е текст што дише и прави спој меѓу значајните датуми за Кируил и Методиј,за Климент и наум и за великанот Блаже Конески. Сето тоа значи дека јазикот е единствена наша татковина. Тој ни ево дневна употреба, во дневна заложба на сите, секаде и од секого, рече Конески.
Претседателот на Фондацијата „Небрегово“, Максим Каранфиловски истакна дека добро е што го имаме законот за лекторите, но говорниот македонски јазик зависи од нивото на нашата свест.
-Добро е што го имаме Законот за лекторите,но тој не можерда влијае кога во живо се употребува македонскиот јазик. Тука треба да се подигне нивото на свеста. Ако водруги земји, оној што настапува јавно и ако зборува на дијалект или разговорно, тогаш тој се смета за неписмен. Кај нас, никој не води сметка на тоа кој како зборува и колку ги употребува и ги почитува нормите на најзикот. Ако зборуваме кој како ќе стигне, веќе го расипуваме јазикот. Нормално е дека низ годините и децениите јазикот претрпува промени, тоа е природен процес, но културата на говорот, почитувањето на стандардот се норми во секое цивилизирано општество, рече Каранфиловски.
На промоцијата во родната куќа на Конески во Небрегово почит му оддадоа од кабинетот на претседателката Гордана Сиљановска Давкова, од Центарот, од прилепскиот Заводи музеј, од Фестивалот на народни инструменти и песни „Пеце Атанасовски“, бројни присутни и ученици.