Во заедничка организација на Факултетот за туризам и угостителство, Охрид, катедрата за осигурување, при Универзитетот Св. Климент Охридски, Битола и академската организација Eastern European Risk Insurance Association (eeria.org) се одржа летната школа во периодот од 7-ми до 11-ти Јули во просториите на Факултетот во Охрид.
EERIA основана е во 2021 година во Охрид по иницијатива на група професори на катедрата за осигурување од Факултетот за туризам и угостителство, со цел да промовира научно истражување од областа на ризикот и осигурувањето, со посебен фокус на Централна, Источна и Југоисточна Европа. Мисијата на EERIA е да поттикнува заеднички интереси меѓу академиците и практичарите, да олеснува можности за професионална интеракција меѓу академиците, практичарите и студентите и да го промовира развојот и разбирањето и на основните и применетите истражувања, како и на здравите финансиски практики.
За таа цел се организира летна школа како интензивна и интерактивна петдневна програма која помага во разбирањето и совладувањето на моделите на осигурителен бизнис што се потребни за да постигне револуционерно влијание врз осигурителните субјекти, регулаторните тела и екосистемите. Програмата го истражува секое прашање преку употреба на студии на случај од реалниот свет и отворена дискусија со гости предавачи кои доаѓаат од супервизија, индустрија и академија.
При тоа централен фокус претставуваат актуелните прашања во однос на:
· намалување на т.н. зашитен јаз со јакнење на улогата на осигурувањето во справувањето со климатските промени
· улогата на осигурувањето во остварувањето на милениумските цели на ОН за одржливост со посебен акцент на имплементација на ЕСГ принципи во работењето
· дигитализација на осигурителната индустрија
· потребата од примена на ЕУ регулативата во областа на осигурувањето, со посебен акцент на имплементација на директивата Солвентност 2
· улогата на осигурителните посредници во развојот на осигурувањето
· разбирање на бизнис моделот на функционирање на осигурувањето и како се одредуваат цените во осигурувањето
Организаторите се посебно горди на изборот на врвни предавачи со голем меѓународен углед како што се:
· Професор Karel Van Hulle – бивш комисионер на ЕК задолжен за секторот осигурувње и професор на престижниот KU, Lueven, Belgium, кој се смета за креатор на најголемата законска реформа во областа на осигурувањето во ЕУ со воцведување на директивата Солвентност 2
· Peter Braumuller – директор на Австрискиот регулатор за осигурување и бивш Претседател на International Association of Insurance Supervisors и потпреседател на Euopean Insurance Occupaion Pension Authority. Исто така, е познат професор на неколку катедри во Универзитети во Австрија.
· Nic De Maesschalck – генерален директор на The European Federation of Insurance Intermediaries
· Gorazd Cibej – Претседател на Агензија за супервизија на осигурување на Словенија и извршен член на одбор на директори на International Association of Insurance Supervisors, одговорен координатор на регулаторните тела за регионот на Central and Eastern Europe and the Caucasus
· Klaus Driever – сениор менаџер на најголемата глобална осигурителна компанија Allianz
· и уште неколку други врвни предавачи
На летната школа учествувале 35 претставници од регулаторни тела, друштва за осигурувања и осигурителни брокерски друштва од земјите на Центална Источна и Југоисточна Европа.
Организатори на престижната школа се Проф. Климе Попоски, втор човек на Eastern European Risk Insurance Association и професорот Бојан Србиноски, катедра за осигурување ФТУ, Генералнен Секретар на Eastern European Risk Insurance Association.