Колумбискиот министер за одбрана, Педро Санчез, го окарактеризира повикот на Вера до бунтовниците да се обединат како обид да се заштитат од заробување од страна на воените сили на земјата. Пред една седмица американските сили интервенираа во соседната Венецуела и го грабнаа нејзиниот претседател, Николас Мадуро под обвинувања за „наркотероризам“. По настаните во Венецуела, американскиот претседател Доналд Трамп се закани со слично сценарио во Колумбија, што резултираше со најва за средба меѓу него и сегашниот колумбиски претседател, Густаво Петро, и самиот поранешен герилец, закажана за Вашингтон во февруари.
Колумбискиот министер за одбрана, Педро Санчез, го окарактеризира повикот на Вера до бунтовниците да се обединат како обид да се заштитат од заробување од страна на воените сили на земјата. Герилската група Армијата на националното ослободување (Ejército de Liberación Nacional – ELN) претходно американската воена интервенција во Венецуела ја опиша како „империјалистичка интервенција на САД во Венецуела под претседателот Доналд Трамп“. Преку соопштение насловено како „Солидарност со Венецуела“, ELN ги осуди настаните, наведувајќи дека тие „го кршат суверенитетот на земјата и ги загрозуваат животите на нејзиното население“.
Групата, исто така, го поддржа повикот на венецуелските власти да „се спротивстават на воената интервенција и да продолжат да го бранат наследството на Уго Чавез“, изразувајќи го своето единство во соочувањето со „империјалните планови против Венецуела и народите на Глобалниот Југ“. Ова не е првпат ELN да упатува вакви повици. Уште во декември 2025 година, герилската група, исто така, објави 72-часовен вооружен отпор за „спротиставување на американскиот империјализам и неговите закани кон Латинска Америка’. ELN, опишан од тинк-тенкот InSight Crime како последното преостанато востаничко движење и главниот вооружен чинител долж границата меѓу Колумбија и Венецуела, го прошири своето присуство во Венецуела од 1980-те, бидејќи непристапните венецуелски терени се користат како засолниште од колумбиските власти.
До 2024 година беше потврдено дека герилската група била присутна во најмалку 40 области во осум од 24-те држави на Венецуела. Според извештајот на Pares Foundation објавен на почетокот на 2025 година, ELN го консолидирал своето присуство во 231 општина во Колумбија.