Македонија

Вреди: Корумпираното раководство на ДУИ, алчно за власт, оди против Рамковниот договор и го блокира законот за правична застапеност!

„Албанците дочекаа Али Ахмети да блокира Закон за правична застапеност и со тоа да урива еден од темелните принципи на Охридскиот рамковен договор, заради алчност за власт!“ – рече на денешната прес-конференција на Вреди портпаролот Дритон Сулејмани.

2 минути за читање

Натаму Сулејмани, гласноговорникот на Вреди,  истакна: – Нереформираното раководство на ДУИ, во очај поради тоа што Албанците го испратија во опозиција, сега влече потези директно спротивни на интересите на Албанците. Во Мала Речица скроиле опасен план. Сакаат да направат филм дека албанските права се загрозени само затоа што ДУИ не е во Владата. За нив, очигледно, Албанците имаат права само кога тие се на власт и кога нивните луѓе седат во фотелји.

Корумпираното раководство на ДУИ не може да им прости на мнозинството Албанци што ги пратија во опозиција. Па сега решиле да им се одмаздуваат токму ним, блокирајќи закон со кој правичната застапеност треба трајно да се гарантира. Малку им беше што проневеруваа европски пари и што не обезбедија чиста вода за жителите на Зајас и Гостивар. Малку им беа Соравија во Скопје, Дака Давидовиќ во Тетово и сите други матни зделки. Сега посегнаа и по албанската кауза, мислејќи дека ако направат хаос, народот пак ќе ги врати на власт.

Ама тој филм веќе не поминува. ДУИ е прочитана до крај. Народот одамна им ја знае шемата. Зад полната уста патриотизам останаа само обични тендераши, кои се борат за функции, привилегии и шанса повторно да ги полнат сопствените џебови. Албанците еднаш веќе им ја покажаа вратата. Ако продолжат да го блокираат законот и да одат контра Охридскиот договор, ќе останат во опозиција уште многу долго – рече на денешната прес-конференција портпаролот на Вреди Дритон Сулејмани.

Поврзани теми:

Охридски рамковен договор|актуелно|ВРЕДИ|ДУИ|закон за правична застапеност

Повеќе на оваа тема:

Најнови вести од: Македонија

(Видео): Скопје испраќа нов амбасадор во Софија

Крум Ефремов ќе биде нов амбасадор во Софија, во тек се подготовките за негово заминување. Продолжуваат разговорите за евроинтеграциите и односите со Бугарија, изјави министерот за надворешни работи, Тимчо Муцунски.

„Да бев богата, ќе им дадов сè што имам“: Ведрана Рудан ја посвети својата најнова колумна на медицинските сестри

Хрватската писателка и колумнистка Ведрана Рудан почина на 76-годишна возраст. Во текот на животот беше препознатлива по остриот, провокативен и често контроверзен стил, а во интервјуата, книгите, колумните и јавните настапи остави зад себе бројни изјави кои и денес се прераскажуваат.

Повеќе забрани или поголеми резултати: Реалноста зад европската статистика за пушењето

Пушењето и алкохолот можат сериозно да го нарушат здравјето и да го зголемат ризикот од хронични заболувања и рак. Сепак, лекарите велат дека не е едноставно да се утврди која навика е поштетна, бидејќи ризикот зависи од количината и зачестеноста.

АХВ е преплавена со многу повици за угинати птици, која советува да не се создава непотребна паника

Агенцијата за храна и ветеринарство (АХВ) е преплавена со повици и пријави за угинати птици. На бесплатната телефонска линија, на електронската адреса и преку други канали пристигнале стотина пријави од граѓани. Од АХВ апелираат да не се создава непотребна паника при појава на поединечна угината птица во урбана средина, вклучително и гаврани и други диви преселни птици, пишува Дојче веле.

Реакција на ВМРО-ДПМНЕ за бомбата во Бардовци: Не е фрлена во домот на полицаецот, СДС нема докази, само шпекулации

ВМРО-ДПМНЕ преку соопштение реагира на прес-конференцијата на генералниот секретар на СДСМ, Александар Саша Димитријевиќ, во врска со инцидентот со експлозивна направа во Бардовци. Од владејачката партија велат дека СДСМ изнел неточни тврдења и шпекулации, посочувајќи дека Министерството за внатрешни работи веќе го објавило инцидентот во својот билтен.

Велешките пожарникари заштитија две села од пожарот, кој од Велес премина во Зелениково и Студеничани

До 13 часот денес, на 18 август 2026 година регистрирани 12 пожари на отворено во Македонија, од кои пет се активни, еден под контрола, а шест се изгаснати. Во овој момент активен е пожарот, кој од Велес премина во Зелениково. Благодарност до велешките пожарникари кои значително го намалија и заштитија две загрозени села. Во Македонски Брод пожарот е значајно намален. Имаме пожар на територија на општина Студеничани село Рамни Габер, но тој е оддалечен и не загрозува ниту едно село, изјави директорот на Дирекцијата за заштита и спасување (ДЗС), Стојанче Ангелов давајќи пладневен преглед за состојбата со пожарите во државата.

Мицкоски: Армијата на Република Македонија е повеќе од униформа, таа е симбол на чест, одговорност и посветеност!

„Честит 18 Август, Денот на Армијата на Република Македонија! Со чест и благодарност им оддаваме признание на сите наши војници, старешини и припадници кои со одговорност и достоинство ја извршуваат својата мисија, во служба на државата, нејзините граѓани и мирот.“ – објави претседателот на Владата на Република Македонија Христијан Мицкоски на својот официјален фејсбук-профил.
Сите вести од Македонија

Најнови вести

To top