Коалицијата ВРЕДИ денес го обвини поранешниот министер за надворешни работи, Бујар Османи, за спроведување сомнителни тендери во врска со организацијата на самитот на ОБСЕ во 2023 година.
Од коалицијата се повикуваат на Извештајот на Државниот завод за ревизија кој го потврди она што граѓаните го знаат долго време.
Имено, дека Министерството за надворешни работи, во време кога Бујар Османи бил министер, спроведувало нелегални тендери во врска со организацијата на самитот на ОБСЕ во 2023 година.
„Според ревизорскиот извештај
– Над 120 милиони денари биле потрошени без јасни податоци;
– Нема документација за тоа што точно е испорачано, инсталирано или оставено како трајна опрема во салата Борис Трајковски;
– Јавните договори и набавките се спроведувале без транспарентност и со сериозни законски недостатоци, потстуваат о ВРЕДИ.
„Ова е уште една потврда дека Бујар Османи, каде и да оди, остава зад себе сомнителни и криминални тендери!
Ова не е изолиран случај, исто Бујар Османи беше осомничен за сомнителни набавки кога беше министер за здравство во владата на Никола Груевски.
Од ВРЕДИ додаваат дека граѓаните на Чаир добро знаат две работи за Бујар Османи:
Прво, тој никогаш не направил ништо за Чаир, ниту еден проект, ниту една инвестиција, ниту една иницијатива.
Второ, секој пат кога бил на функција, бил поврзан со скандали, сомнителни тендери и злоупотреба на јавни средства“, обвинуваат од ВРЕДИ, пренесе Телеграфи