Пратеникот Зијадин Села од Алијанса за Албанците во објава на Фејсбук го образложи сопственото несогласување со веќе изгласаниот во Собранието систем за набљудување и регистрирање прекршоци во сообраќајот „Безбеден град“.
„Жално е кога ќе видите дека дури и проектите што се промовираат за општо добро, безбедност на граѓаните, како што сака да ја нарече Владата, имаат за цел да изнудат одредена категорија граѓани! Ако имате претстава чиј џеб е наменет да се удри, повеќе од јасно е.
– Погледнете каде се спроведува проектот ‘Безбеден град’ – во Скопје, Куманово, Тетово?!
– Погледнете ја дистрибуцијата на камерите ‘Безбеден град’ во Скопје, каде се тие поконцентрирани по број? Во Чаир, Сарај, Бутел?!
Тоа се општини со албанско мнозинство.
Тие се влезовите и излезите на Албанците во Скопје.
Ова се местата со (без) постара комуникациска и патна инфраструктура.
Нема семафори, но со камери за изнуда!
Нема паркинзи, но има казни!
Нема сообраќајни знаци, но со високи казни…
Па, драги Албанци, ЕКСПЛОАТАЦИЈАТА нема предност, така изгледа. И патем, Северна Македонија оваа година треба да врати околу 2 милијарди евра кредити! Ќе ги вратиме од таму каде што најмалку е инвестирано, вклучително и од проектот ‘Безбеден град’. Значи, вака изгледа Експлоатацијата…
П.С. Свесен сум дека ќе ме обвинат дека на сè му давам етничка конотација. Не јас, за волја на вистината, никогаш јас и Алијансата за Албанците, туку оние кои покажуваат со прст кон нас. Да, вистина е, не сме молчеле и никогаш нема да молчиме…“, напиша лидерот на крило во Алијанса за Албанците.