Забранета е водата за пиење во Демир Капија, информираа попладнево од јавното комунално претпријатие „Бошава”. Оттаму известија дека водата од водоводот се забранува за пиење и подготвување на храна.
Како што информираат, анализите на примероците земени во понеделникот и вторникот од истото мерно место, дале различни резултати.
Водата во Гостивар е бзбедна за пиење, рече Стојанче Ангелов и прв ја испи со својот тим
– Анализата на примерокот земен во понеделникот од страна на Институтот за јавно здравје Скопје, покажува дека водата не ги исполнува условите пропишани со правилникот за вода за пиење. Од друга страна, анализата на примерокот земен во вторникот од страна на Центарот за јавно здравје Велес, покажува дека водата ги исполнува условите согласно правилникот за вода за пиење – напишаа од претпријатието на официјалниот Фејсбук профил.
Дополнуваат и дека поради различните резултати, в понеделник ќе биде извршена супер анализа.
Според јавното комунално претпријатие „Бошава”, забраната ќе важи до добивањето на конечните резултати од супер анализата.