Екс-премиерот Зоран Заев и поранешниот министер за здравство Венко Филипче барале начин како да дојдат до сопствеништво во болницата „Жан Митрев“, во екот на судската хајка против познатиот кардиохирург, обвинет за наводни измами на пациенти при лекување во корона-кризата.
Ова во „Вечерното шоу на Богдан Илиевски“ на ТВ Алфа директно го потврди д-р Митрев.
Доктор Жан Митрев tврди дека врз него се правел притисок од поранешната власт да ја преземат неговата клиника.
Конкретно Зоран Заев и Венко Филипче барале начин како да дојдат до сопствеништво во болницата „Жан Митрев“, во периодот кога врз д-р Митрев се водеше медиумска и судска хајка за наводни измами на пациенти при лекување за време на короната.
На прашање на водителот Богдан Илиевски дали потврдува „дека имало заинтересираност од Зоран Заев и од Венко Филипче да најдат пат до сопствеништво врз вашата болница, Д-р Митрев со одговор:
„Да, имаше такви реални контакти. И на писмено, не само вака…“
Во продолжение д-р Митрев објасни дека на заинтересираните за преземање удели во болницата им објаснил дека освен што биле замрзнати неговата лична сметка и сметката на болницата, Обвинителството ставило забрана и за продажба на удели.
После една недела се случило „чудо“: сметките останале замрзнати, но забраната за продавање удели била симната, рече Д-р Митрев.