Македонија Бизнис

Законот за енергетика ги поставува темелите на новата енергетска политика

Министерството за енергетика вчера го поздрави усвојувањето на Законот за енергетика од страна на Собранието на Македонија. Од ресорното Министерство истакнуваат дека е донесен систематски, сеопфатен и реформски закон со кој се поставуваат темелите на новата енергетска политика на државата. “Со ова, Македонија конечно добива јасна, модерна и европски усогласена законска рамка за развој на […]

2 минути за читање

Министерството за енергетика вчера го поздрави усвојувањето на Законот за енергетика од страна на Собранието на Македонија. Од ресорното Министерство истакнуваат дека е донесен систематски, сеопфатен и реформски закон со кој се поставуваат темелите на новата енергетска политика на државата.

  • “Со ова, Македонија конечно добива јасна, модерна и европски усогласена законска рамка за развој на енергетиката”, велат од Министерството.

Тие додаваат дека Законот е подготвуван во широк, инклузивен процес кој ги опфатил институциите, експертите, бизнис секторот, операторите, регулаторното тело и други засегнати страни. “Преку 61 амандман во редовна законодавна постапка, се доби решение кое го унапредува квалитетот, прецизноста и применливоста на законот.”


Новиот Закон за енергетика е во согласност со Реформската агенда за Западен Балкан и европските директиви, а содржи неколку клучни столбови: значително зголемување на учеството на обновливите извори во финалната потрошувачка, поголема енергетска ефикасност и намалување на загубите, отворен енергетски пазар во кој граѓаните стануваат активни чинители – производители, продавачи, членови на енергетски заедници.

Посебно внимание е посветено на социјалната правда – законските решенија вклучуваат заштита на ранливите категории, поддршка за енергетска сиромаштија и фер пристап до енергија за сите, потенцираат од Министерството за енергетика.

Законот, според Министерството, нуди стабилна, транспарентна и предвидлива рамка за домашни и странски инвеститори и ги зајакнува капацитетите на регулаторот и операторите, креирајќи услови за поголема интеграција со регионалните и европските енергетски мрежи.

  • “Енергијата не е само моторот на економијата, таа е основа за квалитетен живот. Со овој закон ја отвораме вратата за една енергетски суверена, зелена и европска Македонија”, истакнува министерката за енергетика Сања Божиновска.

Од Министерството најавуваат дека ќе се продолжи со имплементација на законот со фокус на резултати кои директно ќе се почувствуваат од страна на граѓаните и стопанството.

Законот беше изгласан вчера во рамки на 48-та пленарна седница со 62 гласа „за“.

 

Поврзани теми:

топ|актуелно|избор

Најнови вести од: Македонија Бизнис

Со „Предлог-заклучоците“ Советот на ЕУ ја претвора Македонија во „гробишта за европските резолуции и Копенхагенските критериуми“!

„Бугарското негирање на посебноста на идентитетот и историјата на македонската нација служи како оправдување за бруталната војна на агресија и културно уништување. Оваа националистичка патологија стана официјална политика на ЕУ! Барањата на Бугарија кон С.Македонија се неправедни: додека Бугарија инсистира на вклучување на Бугарите како конститутивен народ во македонскиот устав, таа упорно го негира постоењето македонско малцинство во Бугарија!“ – нагласува д-р Улф Брунбаер во својот научен труд со наслов „Страничните ефекти од ‘фантомските болки’: како бугарската историска митологија го попречува пристапувањето на С.Македонија во ЕУ“. Трудот е објавен на 4 јануари 2023 година во научното списание „Споредбени студии за Југоисточна Европа“. Професорот Брунбауер е австриски историчар и академски директор на Институтот Лајбниц за студии за Источна и Југоисточна Европа во Регенсбург, Германија. Неговите аналитички заклучоци од овој труд претставуваат жестока и аргументирана критика на политиката на Европската унија кон Република Македонија и нејзиното газење на сопствените Копенхагенски критериуми за проширувањето.

Мора да се најде решение со Бугарија за деблокада на евроинтеграциите, рече Муцунски од Брисел

Муцунски оцени дека самитот е важна можност да се потврди стратегијата на ЕУ за проширување и да се испрати позитивна порака до регионот, но и да се отворат конкретни разговори за надминување на билатералните пречки кои го кочат напредокот на Македонија.

Избрана банката која ќе ја финансира изградбата на брзата железница од Табановце до Богородица

Изведувачот на работите на брзата пруга ќе се избере преку таканаречен конкурентен дијалог. Овој проект е предвидено да чини околу две милијарди евра и е дел од стратешкиот договор со Велика Британија. Според Николоски, актуелните случувања во Бугарија не би требало да влијаат врз текот на процесот за изградба на пругата од Коридорот 8.

Државните Електрани на Македонија со 97 милиони евра ќе градат фотоволтаична централа

Кредитот од Европската банка за обнова и развој е со рок на отплата од 15 година со вклучен грејс период од 3 години. Каматата и за овој кредит е варијабилна. се состои од шестмесечен ЕУРИБОР зголемен за маргина од 1%. АД ЕСМ – Скопје, ќе и плати на Европската банка за обнова и развој еднократна провизија во висина од 1 % од износот на заемот.

Шилегов бара оставка од Филипче: Или си СДСМ, или си тезгаџија!

Поранешниот градоначалник на Скопје и висок функционер на СДС Петре Шилегов јавно преку фејсбук побара оставка од „лидерот“ на СДС Венко Филипче. Ако се има предвид жестината, со која Шилегов го нападна Филипче, означувајќи го со зборот претседател ставен во наводници, се наметнува дилемата: дали можеби Шилегов е дел од иницијатива за обединување на СДС, што веќе кружи и која која подготвува политички концепт и кадровска понуда, во која би влегле поранешни социјалдемократи, меѓу кои и некогашните потпретседател и генерален секретар Игор Ивановски-Шема и Андреј Петров?

Владата од 1 јануари ќе пресметува просечна потрошувачка кошничка, паралелно со онаа од ССМ

В понеделник ќе заседава Економско-социјалниот совет и повторно ќе одлучува за зголемување на минималната плата. За сега извесно е само дека до крајот на март минималната плата ќе порасне до две илјади денари, како законско усогласување. Синдикатите не отстапуваат од барањето за 30 илјади минималец, но бизнис секторот е на став дека стопанството, посебно трудоинтензивните дејности не се во кондиција да издржат таков финансиски товар.
Сите вести од Македонија

Најнови вести

To top