Македонија

Започна укинувањето на „Пржинската“, „техничка влада“ – доста е веќе со „пржинските експерименти“ со Македонија!

„Со 67 гласа за и 13 против – сите од опозицијата, Собранието ја утврди потребата од донесување на измени на законот за Влада, со што се предлага укинување на Пржинската, односно техничката влада. Од СДСМ бараат измените да бидат донесени со консензус исто како и кога беа усвоени претходно, а не како што сега е предложено, по скратена постапка. Координаторот на пратеничката група на СДСМ, Оливер Спасовски рече дека токму по барање на Христијан Мицкоски донесени се потоа измени техничката влада да функционира се до влегувањето на земјава во ЕУ.“ – објави ТВ 21 во својата статија „Почна процесот на укинување на Пржинската влада – опозицијата против и бара консензус, власта вели тоа е надминато решение“.

2 минути за читање

Натаму телевизијата наведува: „Нема потреба од никакво брзање во однос на законското решение, да се вратиме на форматот на кој што разговараме за ова прашање кое што практично е на барање на вашиот претседател. Тогаш е донесено законско решение кое што го имаме и со консензус со политичките партии и преку дијалог внатре во Собранието, да го вратиме/“, вели Оливер Спасовски.

Против укинувањето на „Пржинската влада“ се и од „Европскиот фронт“. Пратеничката Арбана Пашоли  бара сѐе што е донесено со консензус и поддршка од меѓународната заедница така и да се смени. „Сметаме дека се што е постигнато со политички договор и поддршка на меѓународен договор би требало на ист начин исто така да се постапи и кога се бара истото да се одложува. Така што во таа насока мислам дека нема да го поддржиме.“, изјави Арбана Пашоли.

На ова се спротивставија пратениците од власта. Координаторот на ВМРО-ДПМНЕ Никола Мицевски праша зошто опозицијата е против ваквата измена, бидејќи, како што рече, Пржинската влада е надминато решение. 

„Се работи за законско решение кое ќе важи не од следните избори, туку од изборите после тоа со што ви се дава сигурност, еве доколку мислите дека нешто не е заштитено по однос на изборниот процес, вие не дозволувате да почнеме со целата таа постапка. Да во скратена постапка е меѓутоа ќе има доволно време да се поднесат амандмани, да се разговара за сите тие амандмани поединечно и на крајот на денот да се стави на гласање ова законско решение“, вели Мицевски.

Измените на Законот за Влада,со кој е предвидена техничката Влада е решение од „Пржинскиот договор“ во 2015, а кој беше со важност само за изборите во 2016 година, односно оние кои беа организирани по политичката криза. Со него се предвидува 100 дена пред изборите да се формира техничка влада, во која во одредени министерства влегуваат кадри од опозицијата со цел да се обезбедат фер и демократски избори, објави ТВ 21.

Поврзани теми:

топ|избор|Влада на Република Македонија|укинување на „Пржинската влада“

Повеќе на оваа тема:

Најнови вести од: Македонија

Македонија има скапоцен минерал што светот го бара

Зошто Македонија, земја со еден од најретките минерали на планетата директно поврзан со вселенските истражувања, сè уште нема национална визија за вселенската наука, прашуваат од Астра, здружението за астрономија и вселенски истражувања. Се работи за рудникот Алшар и минералот лорандит.

Скопски таксист му наплатил 7.800 денари на швајцарски турист

Според пријавата, 43-годишниот патник користел такси-превоз од центарот на градот до Средно Водно, при што возачот му наплатил дури 7.800 денари. Откако реагирал дека цената е превисока, таксистот станал агресивен и го напуштил местото, пренесува ТВ Стар.

Муцунски на средба со Клаудија Бауер: Проширувањето на ЕУ е геополитичка неопходност за стабилност и безбедност

На средбата стана збор за актуелните состојби и приоритети поврзани со европската агенда на државата, при што министерот Муцунски информираше за напредокот во спроведувањето на Планот за раст и Реформската агенда.

„Хорор-приказна“: Родители дозволиле малолетници ќерки да живеат во вонбрачни заедници, едната била и силувана!

Надворешната канцеларија за криминалистички работи Делчево поднесе кривични пријави против четири лица поради сомнение за сторени кривични дела поврзани со вонбрачен живот со малолетници, а едно лице се гони и за силување на дете помладо од 15 години.

Македонија бара од Грција да ги укине биометриските проверки летово – Ќе има ли олеснување на граница?!

Засега – нема официјална одлука, но постои реална можност да има олеснувања. Македонските туристички власти, преку Туристичко-угостителската комора, веќе испратиле барање до Министерство за туризам на Грција македонските туристи привремено да бидат изземени од примената на ЕЕС во периодот од 1 јуни до 30 септември – односно во шпицот на летната сезона.

Мицкоски: Европа нема да биде силна, ако нејзините делови останат слаби! – Градиме држава што нуди сигурност, а не неизвесност

„Има моменти кога Европа мора да избере: дали ќе реагира или ќе води. Денес сме токму во таков момент. Живееме во време на преиспитување. Време кога сигурноста не се подразбира, кога енергијата станува политика, заедно со економијата се прашање на опстанок. Во такви околности, зборовите имаат помала тежина од одлуките, а декларациите вредат онолку колку што сме подготвени да ги спроведеме. Ние сме подготвени сме да работиме. Подготвени сме да донесуваме одлуки. Подготвени сме да остваруваме резултати. И затоа веруваме дека со партнерство што се темели на доверба и конкретни проекти, ќе изградиме нешто што ќе трае подолго од еден мандат, подолго од една криза, подолго од една генерација. А Европа не смее да биде само идеја. Европа мора да биде резултат.“ – истакна премиерот на Република Македонија Христијан Мицкоски на прес-конференција во Виена.

„Н.М“: Изјавата на Рама дека Албанците во РМ се „државотворен народ“ е закана за територијалниот интегритет и обид да се претвори во двонационална „албанско-македонска држава“!

„Грубо и дрско мешање во внатрешните работи на суверена Република Македонија е изјавата на албанскиот премиер Еди Рама, со која ги прогласи македонскитe Албанци како ‘државотворен народ’ во македонската држава. Според истакнати европски и светски експерти за политички науки, меѓународни односи, за уставен систем и геополитика, ‘обид за редефинирање на уставниот поредок на соседната земја и ширење на политичкото влијание надвор од границите на сопствената држава’ е кога премиер на една земја ги прогласува неговите сонародници, од иста националност, во друга земја како ‘државотворен народ’ (‘state-forming people’). Според анализите на странски политиколози и уставни експерти, ваквите изјави претставуваат и предизвик кон суверенитетот, но и на територијалниот интегритет на другата држава, во која тамошното малцинство се прогласува како ‘државотворен народ’. Во тој контекст се и заканите на лидерот на ДУИ Али Ахмети за ‘одброените денови на Македонија, ако нема заедничко совладени со Албанците“! “ – имаше објавено весникот „Нова Македонија“ во својата редакциска анализа „Падна уште една маска од колективните амбиции на Тиранската платформа“, објавена на 16 април 2026 година.
Сите вести од Македонија

Најнови вести

To top