Земјотрес со магнитуда од 2,5 степени беше почувствуван во Скопје и околината синоќа. Граѓаните се повикани да ги пријават своите чувства преку онлајн прашалник за сеизмолошки истражувања.
Земјотрес со локална магнитуда од 2,5 степени според Рихтеровата скала е регистриран синоќа во 21:54 часот во скопското епицентрално подрачје, соопшти Сеизмолошката опсерваторија при Природно-математичкиот факултет во Скопје.
Според Опсерваторијата, земјотресот бил почувствуван од жителите на Скопје и околината, со интензитет од III-IV степени според Европската макросеизмичка скала.
Од Сеизмолошката опсерваторија ги повикуваат граѓаните кои го почувствувале земјотресот да го пополнат прашалникот, достапен на нивната веб-страница, со цел прибирање податоци за сеизмолошките истражувања.