Македонија Бизнис

Живот на кредит – за што граѓаните најмногу се задолжуваат?!

НБРМ укажува дека и кредитите на домаќинствата имаат и месечен и годишен раст. На месечна основа задолженоста на домаќинствата пораснала за 1,2 отсто, додека пак на годишна за 10,3 проценти. Бројките покажуваат дека најголем интерес меѓу нашите сограѓани имаат за потрошувачките и станбените кредити.

3 минути за читање

Македонските граѓани и компании не се откажуваат од кредитите и продолжува трендот на раст на задолженоста. Најновите податоци на Народната банка на Македонија откриваат дека заедно граѓаните и компаниите на банките им должат 522,463 милиони денари или 8,4 милијарди евра, пренесе Фактор. За споредба во првиот месец од годинава, или во јануари вкупната вредност на кредитите достигнуваше 8 милијарди евра.

Традиционално граѓаните должат повеќе од компаниите и нивниот долг во месец јуни достигнал 262,605 милиони денари или 4,27 милијарди евра. Компаниите должат нешто помалку или 257,315 милиони денари односно 4,1 милијарди евра.

Сепак, забележиво е дека во последните месеци расте кредитирањето на корпоративниот сектор со позабрзано темпо од претходно.

  • Во јуни 2025 година, вкупните кредити се зголемени за 1,6 отсто и 13 проценти на месечно и на годишно ниво. Притоа, месечниот и годишниот раст се резултат на зголемените кредити на двата сектора, при поизразен придонес на кредитите на корпоративниот сектор – укажуваат од Народна банка во нивниот последен извештај.
Понатаму е истакнато дека кредитите на корпоративниот сектор во јуни имаат раст на месечно ниво од 2,1 проценти, но на годишно ниво од 16 проценти. Притоа, месечната и годишната промена во целост се должат на зголеменото кредитирање во денари, при остварен пад на кредитите во странска валута. Од НБРМ укажуваат дека и кредитите на домаќинствата имаат и месечен и годишен раст. На месечна основа задолженоста на домаќинствата пораснала за 1,2 отсто, додека пак на годишна за 10,3 проценти. Бројките покажуваат дека најголем интерес меѓу нашите сограѓани имаат за потрошувачките и станбените кредити. Овие две категории се најзастапени и имаат месечен раст од 1 процент кај потрошувачките кредити и 1,4 отсто кај станбените кредити.

Од друга страна кај потрошувачките кредити има годишен раст од 9,8 отсто, додека кај станбените кредити дури 15 проценти. Бројките говорат дека само за потрошувачки кредити граѓаните должат 2,1 милијарди евра. Што се однесува пак за станбените кредити долгот на граѓаните по овој основ достигнува 1,6 милијарди евра.

Автомобилските кредити спротивно на претходните, не се примамливи за населението и кај нив се забележува пад од 0,1 отсто на месечна основа, и 2,8 проценти на годишна основа. Раст има и кај кредитите одобрени на кредитните картички и негативните салда на тековните сметки кои бележат месечно зголемување од 0,2 проценти и 3,7 отсто. На годишно ниво кредиите на кредитните картички се зголемиле за 7,6 проценти, додека негативните салда за 4,2 отсто.

Кредитите одобрени врз други основи, во јуни, бележат месечен и годишен пад од 1,4 отсто и 8,5 проценти.

Поврзани теми:

топ

Најнови вести од: Македонија Бизнис

Анри Барбис: Македонците, коишто имаат свој автентичен посебен јазик и своја неспорна етничка оригиналност, го немаат дури ни правото да се нарекуваат Македонци!

„Македонците, коишто имаат свој автентичен посебен јазик и своја неспорна етничка оригиналност, го немаат дури ни правото да се нарекуваат Македонци. Нам ни припаѓа правото јасно и високо да протестираме против поробувањето и угнетувањето на еден народ.“  – напишал Анри Барбис на во својата статија со наслов „Поробен народ“ („Un peuple asservie“), која е објавена на 28 јуни 1930 година во публикацијата „Монд“ број 108. Барбис е блескав француски писател, добитник на највисоки француски државни награди за вредностите на својата литература. Во „Поробен народ“ овој француски писател употребува директно за Македонците оригинални француски формулации „une nation“, „langue distincte“ и „originalité ethnique“, кои во францускиот политички и интелектуален речник од тоа време имале многу силно значење и означувале: посебен народ, посебен идентитет и различен, посебен јазик. Формулациите на Барбис „свој посебен јазик“ и „неоспорна етничка оригиналност“ се јасно признавање на постоењето на македонскиот народ и на македонскиот јазик среде интелектуална Франција и интелектуална Европа. Уште пред сто години, Барбис зборува експлицитно за Македонците како посебна нација, а не како дел од друга балканска нација.

Муцунски: Нема „северномакедонски народ, идентитет и јазик“, туку само македонски народ, јазик и идентитет, секое нивно оспорување ќе наиде на соодветен одговор!

Министерот за надворешни работи и надворешна трговија на Република Македонија Тимчо Муцунски денеска, на покана на министерот за надворешни и европски работи на Република Хрватска Гордан Грлиќ Радман, учествуваше на панел-расправата „ ЕУ и Западниот Балкан: заедничко решавање на недовршените работи“ во рамки на Дубровник- форумот, посветена на европската перспектива на Западен Балкан и иднината на политиката на проширување. Во обраќањето министерот Муцунски се осврна на актуелните иницијативи за постепена интеграција на земјите кандидати во Европската Унија, оценувајќи дека тие можат да бидат значајна алатка, ако претставуваат мост кон полноправното членство. „Ако новиот модел на постепена интеграција претставува мост кон полноправно членство, тогаш ќе биде исклучително корисен. Но, мора да внимаваме да не стане алатка, која ќе создаде трајна чекалница без врата кон целосно членство“, истакна Муцунски.

Лефков: Филипче е слуга на Бугарија и не го засегаат нејзините напади врз Македонија, идентитетот, јазикот и историјата!

„Додека државните претставници на Македонија секој ден наоѓаат начини за соработка, јакнење на билатералните односи, јакнење на позицијата на државава на меѓународна сцена како што се деновиве активностите на министерот Муцунски во Дубровник, дома го имаме опозиционерот Венко Филипче и неговите другари од раководството на СДС, кои знаат само да слугуваат на туѓи интереси, сега конкретно слугуваат на Бугарија!“ – нагласи на денешната прес-конференција Миле Лефков, член на ИК и пратеник на ВМРО-ДПМНЕ.

Ѓорче Петров, жестокиот борец против врховизмот и великобугарските посегања кон Македонија, „земјата врз која се излеал сиот божји благослов“

Денеска се одбележуваат 105 години од убиството на Ѓорче Петров, еден од идеолозите на македонската револуционерна борба  за слобода на македонскиот народ и за создавање самостојна македонска држава. Поради своите чисто македонски позиции, Ѓорче Петров станал најнапаѓаниот член на ВМРО од страна на великобугарските врховисти. Неговиот став кон Бугарија и бугарската политика бил критичен – тој се борел за самостојна македонска ослободителна борба и остро се спротивставувал на бугарските врховистички обиди и мешања во внатрешните работи на Организацијата. Ѓорче Петров бил еден од авторите на Уставот на ТМОРО, чија цел била создавање самостојна македонско-одринска област. Тој бил жесток противник на бугарскиот Врховен комитет (врховистите), кој се обидувал да ја стави македонската револуционерна борба под контрола на официјална Софија. Во своето капитално дело „Материјали по изучувањето на Македонија“, тој ги отфрлил стремежите на соседните држави. За бугарските и српските пропагандни тврдења дека македонското население е бугарско, односно српско, тој јавно истакнал дека „тие докажувања не вредат ни луле тутун“. Во 1920-тите години дошол во сериозен политички судир со Тодор Александров. Ѓорче Петров бил убиен на 28 јуни 1921 година среде Софија, по налог на Тодор Александров, а атентатот го извршил Турчинот Реџеп.

Василевска: Македонија и оваа година ќе биде пример во регионот за исполнување на реформските задачи

Европските институции ја потврдуваат посветеноста на Македонија во спроведувањето на реформскиот процес, што резултираше со најзначајна финансиска поддршка од Планот за раст
Сите вести од Македонија

Најнови вести

To top