Македонија Бизнис

Живот на кредит – за што граѓаните најмногу се задолжуваат?!

НБРМ укажува дека и кредитите на домаќинствата имаат и месечен и годишен раст. На месечна основа задолженоста на домаќинствата пораснала за 1,2 отсто, додека пак на годишна за 10,3 проценти. Бројките покажуваат дека најголем интерес меѓу нашите сограѓани имаат за потрошувачките и станбените кредити.

3 минути за читање

Македонските граѓани и компании не се откажуваат од кредитите и продолжува трендот на раст на задолженоста. Најновите податоци на Народната банка на Македонија откриваат дека заедно граѓаните и компаниите на банките им должат 522,463 милиони денари или 8,4 милијарди евра, пренесе Фактор. За споредба во првиот месец од годинава, или во јануари вкупната вредност на кредитите достигнуваше 8 милијарди евра.

Традиционално граѓаните должат повеќе од компаниите и нивниот долг во месец јуни достигнал 262,605 милиони денари или 4,27 милијарди евра. Компаниите должат нешто помалку или 257,315 милиони денари односно 4,1 милијарди евра.

Сепак, забележиво е дека во последните месеци расте кредитирањето на корпоративниот сектор со позабрзано темпо од претходно.

  • Во јуни 2025 година, вкупните кредити се зголемени за 1,6 отсто и 13 проценти на месечно и на годишно ниво. Притоа, месечниот и годишниот раст се резултат на зголемените кредити на двата сектора, при поизразен придонес на кредитите на корпоративниот сектор – укажуваат од Народна банка во нивниот последен извештај.
Понатаму е истакнато дека кредитите на корпоративниот сектор во јуни имаат раст на месечно ниво од 2,1 проценти, но на годишно ниво од 16 проценти. Притоа, месечната и годишната промена во целост се должат на зголеменото кредитирање во денари, при остварен пад на кредитите во странска валута. Од НБРМ укажуваат дека и кредитите на домаќинствата имаат и месечен и годишен раст. На месечна основа задолженоста на домаќинствата пораснала за 1,2 отсто, додека пак на годишна за 10,3 проценти. Бројките покажуваат дека најголем интерес меѓу нашите сограѓани имаат за потрошувачките и станбените кредити. Овие две категории се најзастапени и имаат месечен раст од 1 процент кај потрошувачките кредити и 1,4 отсто кај станбените кредити.

Од друга страна кај потрошувачките кредити има годишен раст од 9,8 отсто, додека кај станбените кредити дури 15 проценти. Бројките говорат дека само за потрошувачки кредити граѓаните должат 2,1 милијарди евра. Што се однесува пак за станбените кредити долгот на граѓаните по овој основ достигнува 1,6 милијарди евра.

Автомобилските кредити спротивно на претходните, не се примамливи за населението и кај нив се забележува пад од 0,1 отсто на месечна основа, и 2,8 проценти на годишна основа. Раст има и кај кредитите одобрени на кредитните картички и негативните салда на тековните сметки кои бележат месечно зголемување од 0,2 проценти и 3,7 отсто. На годишно ниво кредиите на кредитните картички се зголемиле за 7,6 проценти, додека негативните салда за 4,2 отсто.

Кредитите одобрени врз други основи, во јуни, бележат месечен и годишен пад од 1,4 отсто и 8,5 проценти.

Поврзани теми:

топ

Најнови вести од: Македонија Бизнис

Забраната за управување возило ќе се активира со смс и е-маил, без впишување во дозволата – Досега над 3 илјади забрани!

Министерството за внатрешни работи ја информира јавноста за законските измени во управната постапка поврзана со возачките дозволи и начинот на извршување на прекршочната санкција „забрана за управување со моторно возило“, изречена со правосилни судски пресуди. МВР воведува дигитален систем на известување – санкцијата започнува да тече по приемот на втората порака, а досега се реализирани над 3.000 забрани!

Ѓорѓиевски: Обновените спортски терени на кејот на Вардар се пак место за живот, рекреација и спорт за скопјани!

„Скопје доби нов уреден спортски комплекс на кејот на реката Вардар. Денес, заедно со министерот за спорт Борко Ристовски, ги пуштивме во употреба обновените спортски терени на кејот на Вардар, простор кој повторно станува место за живот, рекреација и спорт.“ – објави на својот фејсбук-профил градоначалникот на Скопје Орце Ѓорѓиевски.

Инцидент во Тетово: Д.А. (18) со нож тешко го повредил С.Л. (23) по расправија на улица

На 5 март 2026 околу 19 часот, полициски службеници од СВР Тетово го привеле Д.А. (18) од Тетово. Тој се сомничи дека претходно, по кратка расправија на улица „173“ во Тетово, со остар предмет му нанел тешки телесни повреди на С.Л.(23) од Тетово, констатирани во Клинички центар Тетово.

Стефановски: Македонија ќе биде првата земја во регионот, што ги исполнува условите за европски роаминг

Министерството за дигитална трансформација ги финализира активностите за усогласување со европската регулатива за воведување на моделот „Роаминг како дома“ со Европската Унија.“ – изјави денеска министерот за дигитална трансформација Стефан Андоновски. Тој нагласи дека Македонија ќе биде првата држава во регионот, која ќе ги исполни сите критериуми, по што ќе може да влезе во преговори со Европската комисија, која ќе биде посредник пред европските телекомуникациски оператори.

Вест од Брисел, важна за Македонија: ЕУ изготвува построги правила за прием, за да не стане ниедна нова членка „втора Унгарија“, што ќе ѝ биде „трн во окото“!

„Црна Гора, фаворитот за членство во ЕУ, би можела да се приклучи под построги услови. Кога станува збор за прием на нови членки во ЕУ, Европската комисија (ЕК) има еден главен приоритет: да се осигури дека ниедна нова кандидатка за членство нема да стане ‘следна Унгарија’. За да се постигне тоа, планот е Црна Гора, која е близу до завршување на преговорите за членство, да се искористи како ‘опитно глувче’. ‘Се изготвува генерален пристапен договор, што ги одредува идните поодделни пристапни договори за новите кандидатки за членство во ЕУ.“ – рече претставникот на ЕУ. Ова го објави денес аналитичкиот портал за европски прашања „Политико“ од Брисел во својата статија со наслов „Планот на ЕУ да ги спречи новите членки да станат ‘втора Унгарија“.
Сите вести од Македонија

Најнови вести

To top