Регион

Брнабиќ: Пристапот на ЕУ кон Македонија е крајно неправеден

Претседателката на Собранието на Србија, Ана Брнабиќ, на меѓународната безбедносна конференција ГЛОБСЕК во Прага предупреди дека пристапот на Европската унија кон Северна Македонија е крајно неправеден и сериозно го поткопува кредибилитетот на Унијата.

Претседателката на Собранието на Србија, Ана Брнабиќ, на меѓународната безбедносна конференција ГЛОБСЕК во Прага предупреди дека пристапот на Европската унија кон Северна Македонија е крајно неправеден и сериозно го поткопува кредибилитетот на Унијата.

„Тоа што се случува околу Северна Македонија едноставно не е праведно. Тоа е толку нефер што не може никому во светот да му се објасни. Државата го промени името, а за возврат не доби ниту датум за почеток на преговорите“, истакна Брнабиќ за време на дебатата „Како надвор од чекалната – ново промислување на проширувањето“.

Таа додаде дека таквиот однос предизвикува страв кај граѓаните во однос на какви било идни уставни измени, бидејќи постои ризик некоја земја повторно да измисли ирационален билатерален спор и да го блокира процесот.

Поранешниот австриски канцелар и министер за надворешни работи, Александар Шаленберг, се согласи со нејзините оценки, нагласувајќи дека македонскиот случај јасно покажува дека ЕУ не смее повеќе да дозволува внесување на стари билатерални историски спорови во процесот на проширување.

Тој го посочи фактот што на Грција ѝ беше дозволено да го внесе историскиот спор во пристапниот процес како негативен преседан. Шаленберг предупреди дека доколку се продолжи со таква пракса, ниту една земја нема да може да влезе во ЕУ поради внатрешно-политички популизам.

Најнови вести од: Регион

Негираат дека имало притисок врз „бегалката“

Ива Михајлова обвини новинар дека работи по наредба на бугарската Државна агенција за национална безбедност и дека по нивни инструкции добивала прашања и ѝ било кажувано што да зборува во јавност. Шефицата на бугарската дипломатија тврди дека немала такви информации

Најава за големи демонстрации во Албанија за 28 и 29 ноември 2026! Вчера палени контејнери, Рама маван со јајца, кршена вратата на Парламентот!

Студентското движење и незадоволните граѓани продолжуваат со редовни протести пред Министерството за образование и пред Владата во Тирана, барајќи оставка од премиерот Еди Рама и промени во власта. Вчера за време на протестот во Тирана, дојде до инциденти со палење контејнери, по што полицијата уапси три лица, поведе постапки против уште 18 и изрече 44 парични казни. Организаторите го најавуваат следниот голем бран на демонстрации за празничниот викенд на 28 и 29 ноември, кога се очекува пристигнување на албанската дијаспора во Тирана за масовен марш.

To top