„Имав уште еден разговор со мојот бугарски колега Атанас Запрјанов и го информирав дека Грција ќе ѝ даде секаква можна помош на Бугарија, за да ја заштити од балистичка закана од Иран“, напиша Дендијас на платформата икс. За време на телефонскиот разговор двајцата министри разговарале и за „зголемување на нивото на подготвеност на системот за противвоздушна одбрана вдолж југоисточниот дел“ на Алијансата, што претходно го објави и НАТО, според соопштението на бугарското Министерство за одбрана објавено во петокот.
Бугарските власти ја засилија безбедноста во американските и израелските објекти во земјата поради ситуацијата на Блискиот Исток. Во понеделникот Дендиас изјави дека Грција ќе ја поддржи одбраната на Кипар „со сите можни средства“. Во среда, Грција ги испрати авионите „Ф 16“ стационирани на Кипар поради извештаи за сомнителен објект во близина на либанскиот воздушен простор. Во четвртокот, Атина распореди и ракети „Патриот“ на островот Карпатос, кој е дел од Додеканеските острови, во близина на турскиот брег, а од почетокот на новата војна на Блискиот исток, Грција испрати две фрегати и четири авиони „Ф 16“ на Кипар.