Регион

Сцени од хорор филм во Крушевац: Ги искасапил родителите и скокнал од седми кат

Според информациите на српските медиуми, Александар имал успешна кариера, а планирал и да се жени

Во Крушевац вчераутро се случи стравичен злостор кој ја потресе српската јавност – 36-годишниот Александар В. со нож ги убил своите родители, по што, според првичната истрага, се самоубил скокајќи од зградата.

Сцената на масакрот била толку ужасна, што и полицајците кои дошле на увид, изјавиле дека не виделе ништо пострашно во животот. Станот личел како во него да се снима хорор филм – ѕидовите биле испрскани со крв, а мебелот истуркан.
Александар со повеќе убоди со голем кујнски нож ја усмртил својата мајка, а и својот татко Драган В, угледен пензиониран лекар. Настанот се случил во нивниот семеен стан каде живееле сите заедно.

Според информациите на српските медиуми, Александар имал успешна кариера и неодамна бил унапреден за вршител на должност директор на Филијалата за здравствено осигурување, а планирал и да се жени.

– Пред неколку дена го сретнав и ми раскажа за промоцијата и ми кажа дека се верил. Изгледаше среќен и навистина не можев да забележам ништо чудно во неговото однесување. Ми рече дека треба да се видиме и дека ќе ме чести за унапредувањето… Не можам да поверувам дека ги заклал мајка си и татко си, а потоа се самоубил – открива соговорник на „Блиц“.

Екипа на „Блиц“ била на местото на ужасниот настан во Крушевац, и разговарала со соседите.
Тие не можат да поверуваат што се случило во нивното мирно соседство. За семејството во кое се случила трагедијата велат дека било пример за сите.

– Никој не можеше да помисли дека би направил такво нешто. Мајка му беше прекрасна жена, вистинска мајка, пожртвувана, секогаш зборуваше за децата. Навистина, никој не можеше да помисли. Сите сме вознемирени. Сè уште не сум излегла од станот, ниту смеам да поминам покрај сите тие траги, да се соочам со вистината. Не можам да поверувам дека е тоа вистина – изјавила една соседка.

Полицијата го пронашла крвавиот нож со кој е извршено убиството. Телата се испратени на обдукција во Институтот за судска медицина, а истрагата е во тек. Мотивот за овој стравичен настан сè уште не е познат.

Најнови вести од: Регион

Мосад им доставил информации на Грција и Македонија за иранската мрежа, што подготвувала обид за атентат во Грција

Израелската агенција за надворешно разузнавање Мосад им доставила информации на Грција и Македонија за мрежата поврзана со Иран, што наводно подготвувала обид за атентат во Грција, објави израелскиот портал Ynet, повикувајќи се на свои извори.

Главниот дел од истрагата за разоткривањето на иранската мрежа го воделе безбедносните служби на Македонија

30-годишен македонски државјанин, кој бил прогласен за непожелен од безбедносни причини во Грција бил уапсен на крајот на октомври со автомобил со македонски регистарски таблички се обидел да ја напушти Грција и да влезе во Турција преку копнениот граничен премин во областа Еврос

Ива Михајлова: „Јави ми се веднаш, зашто сите ќе умреме уште вечерва“(ВИДЕО)

Ова била една од пораките што јутјуберот Цанов ги добил од Михајлова само неколку минути откако тој го објавил првото видео, во кое Ива зборуваше за наводен притисок од безбедносните служби во Бугарија

Најнови вести

To top