Српските студенти најавија голем протест за в недела во повеќе градови низ Србија. Тие објавија мапа и листа на места каде ќе бидат поставени штандови за собирање потписи за распишување вонредни парламентарни избори.
Протестите ќе се организираат под слоганот „Распиши победа“.
„Дојдете заедно да прогласиме победа! Потпишете ја одлуката! Бидете контролор. Учествувајте во подигање на свеста во вашата околина. Ќе продолжиме заедно од недела!“, напишаа студенти во објава на веб-страница.
Акциите ќе бидат, како што е наведено, во повеќе од 100 општини со повеќе од 400 штандови.
„Цела Србија на 28.12. распишува победа“, напишаа студентите во својата објава.
Тие ги советуваат граѓаните да ја посетат веб-страницата и да го пронајдат градот и локацијата што им одговара најмногу, каде што ќе можат да остават потпис и лични податоци.
Студентите во блокада најавија дека на 28 декември ќе организираат нешто сосема поинакво во однос на досегашните активности., јавува N1.