На грчкиот остров Закинтос се случи голема трагедија кога семеен питбул уби 18-месечно бебе. Детето било во дворот на семејната куќа кога питбулот му се приближил и, од непозната причина, го нападнал, објави порталот „Прототема“.
Според извештаите, детето било во дворот на својата куќа, откако заедно со родителите се вратиле од шопинг. Родителите во паника повикале служби за итни случаи и детето било однесено во болница, но веќе било предоцна.
Таткото на детето е од албанско потекло, а мајката е Британка и двајцата живеат на островот Закинтос со години. И двајцата се во притвор за да се испита дали има елементи на небрежност. Питбулот бил нивни миленик подолго време, и тие не очекувале такво однесување. Од непознати причини кучето се разбеснило и реагирало убиствено.
Локалната заедница на островот е шокирана од инцидентот, а надлежните органи веќе се мобилизираа за да ги истражат околностите на нападот, пишува грчкиот портал.